Рахат Мырзалиева

Алхамдулиллах

Последний визит: 18:29

Фильтр

Заметки Увлечения

Рахат Мырзалиева

08:20

КЫШТЫН ТҮНҮ

Кыштын түнү мештин оту күйүүдө,
Кыр-кыр эткен мышык анын түбүндө.
Жазуу жазган үстөлүмө тигилген,
Жалгыз өзүм калем кармап үйүмдө.

Качанкы бир өткөн кездер жаңырган,
Кайтып алгыз балалыгым сагынган.
Ой түрмөккө чумкуп алып отурдум,
Ошол кездин элестери чагылган.

Узун түндөр атам китеп окуган,
Угуп алып бул жомоктун соңунан.
Кадимкидей жашап менде элеси,
Көз алдымда тирүү болуп жолуккан.

Каармандар өздөрүнө чакырып,
Кулагыма добуштары жаңырып.
Ар кыл мүнөз жомоктогу жандыктар,
Алчы арбап кыялдарга батырып.

Көрсөм тасма арасына батчуумун,
Күлсө күлүп, кээде ыйлап алчумун
Сыналгыдан Индия фильм берилсе,
Сүңгүп кирип чогу жашап калчумун.

Бекер өтпөй мүнөттөр да баркталган,
Б

Рахат Мырзалиева

19 янв

ТЕГЕНЕНИН КООЗДУГУ

Төп келишкен төрт тарабың көргөндө,
Тегенеге назарыңды бөлгөндө.
Жарашыктуу кооздугуна көз түшөт,
Жүргөн өңдүү Бейиш бактын төрүндө.

Капчыгайда жүзүм өсүп жайкалган,
Каптал жагы Кара-Мисте аталган.
Жашыл токой арасында түркүн бак,
Жандык болбойт токоюнда ач калган.

Арчалар бар кылым санап жетилген,
Алмага бай бышкан кезде эзилген.
Тамшандырган татынакай жүзүмү,
Такыр кетпейт даамы болсо эсимден.

Алча, өрүк, долоносу аралаш,
Андан башка карагатка катарлаш.
Өрдө дагы мисте, чие, доулгу,
Өсүп келет булар менен атаандаш.

Бүркүт учуп аскасында шаңшыган,
Безеленип булбул бакта таңшыган.
Тынымы жок кекилиги үн салса,
Токоюнда түлкү жойлоп аңдыган.

Кыргоол жүрөт балапа

Рахат Мырзалиева

19 янв

КЫШТЫН ТАҢЫ

Чилделүү кыш таңдын аппак атканы,
Шагыраган мончок муздар там дагы.
Тал-теректи келин сымал жүгүнткөн,
Теребелде, ак мамыктай кар жаады.

Жаш баладай оюун куруп ойнодум,
Жан дүйнөмө кубанычты толгодум.
Муздак аба үшүтсө да денемди,
Муздагына чыйрыкпадым, тоңбодум.

Күндүн көзү кылайганда тоолордон,
Кудум аалам күмүш түскө оронгон.
Арбап алган табияттын ак таңы,
Аппак кыштын сыйкырына окшогон.

Кабатталып арыкта суу тоңгону,
Кудум эле Хурстальга окшоду.
Энекемдин айтып берген бир кезде,
Эске түштү кар ханыша жомогу.

Суугум артып көзүм тойбой бир татым,
Суулу кыштын ак таңына ыр жаздым.
Ызгаар суук чымчыса да бетимди,
Ынта коюп кереметин тыңдадым.

Автор: Мырзалиева Рахат
19.0

Рахат Мырзалиева

18 янв

БӨЛӨКЧӨ СЕЗИМ

Арбалап сезим калгансыйт,
Ашыктык гүлү ачкансыйт.
Ойлорум туман чар жайыт,
Оорулуу кылып жаткансыйт.

Жүрөгүм туйлап тынбады,
Жаз болуп көңүл жыргады.
Бороондуу кышты тоготпос,
Бөлөкчө сезим ырбады.

Жакындык туйгу артылып,
Жан дүйнө аста тартылып.
Өзгөрүп эле баратам,
Өзүңдөй жанга ашыгып.

Шайырлык мүнөз токтолду,
Шоктонгон учур жок болду.
Сүйүүлөр курчап сезимди,
Сыйкырлап мени койгонбу,

Автор: Мырзалиева Рахат
18.01.2026.ж.

Рахат Мырзалиева

17 янв

Бир мугалим баланы уруп койгондугу үчүн иштен айдалып кетиптир. Аябай өкүнучтүү. Мурун биз мугалимдерди аябай урмат кылчу элек. Азыр ал заман жок экен. Ошондон улам ушул ыр сап жаралды.

МУГАЛИМ

Билим берип "Аа" тамганы үйрөткөн,
Бир кесиптин ээси кылып сүйлөткөн.
Мугалимге алкыш айтуу ордуна,
Муундар чыкты каршы туруп сүйлөткөн.

Устаттарын шакирттери сыйлаган,
Улуу көрүп, андан илим жыйнаган.
Кайда калган ошол учур, эх аттиң,
Каршы сүйлөп, акарат да кылбаган.

Сүйлөп койсо,тилдеди деп чыгышат,
Сотко чейин арыз дагы кылышат.
Чертип койсо," урду"-дешип даттанып,
Чекесинен каматышып тынышат.

Мугалим бул - бир кудуктун көзүндөй,
Мөмөсү мол алп дарактын өзүндөй.
Берип мөмө, толук сууга канд