Зульфия Гатауллина

Последний визит: 28 янв

Фильтр

2 янв 2025

Ҡарҙар яуа,аҡ ҡарҙар яуа
Зәңгәр күктә томан таралған
Һинең йөргән юлдарыңды инде
Йәлләмәйсә ҡарҙар ҡаплаған

Ҡыштың әсе буран дары була
Елдәре лә килеп иҫәләр
Тик күңелем менән йөрәккәйем
Ышанмайса һине көтәләр

Һинһеҙ үткән көндәрем,төндәрем
Һағыш араһында утәләр
Иҫтәлектәр йөрәгемде телеп
Бергә булған саҡҡа илтәләр.

Зөлфиә Гатауллина.

Зульфия Гатауллина

8 сен 2024

Ҡарсыҡ менән ҡарт ултырабыҙ
Йәшлектәрҙе иҫкә төшөрөп
Тыныс, матур ғына һөйләшәбеҙ
Алып ҡайһы саҡта көлөшөп
Шулай матур ғына ултырғанда
Килеп төшә иҫкә үткәндәр
Үткәндәрҙе иҫкә төшөрһәң бит
Күҙ алдына килә үпкәләр
Әйҙә,үпкәләрзе иҫләмәйек
Булған беҙҙең үткән тормошта
Һөйөүе лә,бәхетле йылдары
Балалар үҫтергән саҡтарҙа
Ҡунаҡ ҡына булып килгәнбеҙ беҙ
Был матур донъяға йәшәргә
Һөйләшеп тә,көлөшөп ҡалайыҡ
Үкенеүҙәр булмаҫ йөрәктә.

Зульфия Гатауллина

25 мар 2024

Һыуҙар аға

Һыуҙар аға, ташҡын һыуҙар аға
Йылдар аға, ваҡыт та үтә
Һыуҙар аға, ғүмер үтеп бара
Эҙҙәр һалып кеше йөҙөндә
Ташҡын һыуҙар кеүек йәшлек үтте
Ҡалған ғүмер бормалы һыуҙар
Яйлап ҡына аҡҡан һыуҙарҙа шул
Килеп сыға тәрән упҡындар
Упҡындары өйөрөлөп ҡала
Ғумер аға берҙә туҡтамай
Яҙмыш йылғаһында ағабыҙ беҙ
Йәшәп булмай уға бойһонмай.

На этом пока всё

Войдите в ОК, чтобы посмотреть всю ленту