Муким Султанов

Последний визит: 20:54

Фильтр

Заметки Увлечения

Муким Султанов

31 дек

Тагын бер ел үтеп китте,
Һич килми картаясы!
Матур кызлар өчен һаман,
Килә җырлар язасы! (автордан)
Матур кызга.
Бит очларың янып тора,
Берсе кояш,берсе ай!
Яңа еллар белән сине,
Матур кызкай! Матуркай!
Күз карашың сабыйларча,
Елмаюларың ихлас!
Көлүең ---чишмә тавышы,
Күңелеңме шундый саф!
Өсләреңдә ак күлмәгең,
Ак күгәрчен кебексең!
Яңа елның һәрбер таңы,
Ак бәхетләр китерсен!
Яңа еллар белән сине,
Матур кызкай! Матуркай!
С. Мокыйм.

Муким Султанов

29 дек

Муким Султанов

Андый хыялларым булмаса да,
Төшемдә мин булдым зур түрә,
Хатын белән без кунакта имеш,
Урыныбыз безнең иң түрдә.
Алларына килгән ашларын да,
Миннән алда алып капмыйлар,
Мин яратып капкан ризыкларны,
Барысы да үлеп мактыйлар.
Мин сөйләсәм,башка бер тавыш юк,
Мине генә бар да тыңлыйлар,
Сүзләрегез бигрәк дөрес-диеп,
Мактау белән дә бит сыйлыйлар.
Бокалыма,иң шәп шәрабларны,
Үзем салмыйм,...миңа салалар.
Хатыныгыз бигрәк сөйкемле-дип,
Хатынны да мактап алалар.
Ашап-эчкәч,җырлыйсы да килә,
Сүзен сөйлим,көен сызгырам.,
И мактыйлар мине,и мактыйлар,
Артистлардан имеш уздырам.!
Түрә булгач,мин дә юан имеш,
Биеп булмый икән шәп итеп.

Муким Султанов

18 дек

Муким Султанов

"Маңгайларга язылган бит,"-диләр,
Ләкин укып булмый язмышны,
Укып булмый,алдан беркем белми,
Бәхетлеме? Әллә сагышлы?
Беркем сайлап алмый кәкүк әни,
Сайлап алмый кәкүк әтине,
Язмышлары шулай язылгандыр,
Рәнҗетмәгез сабый-ятимне.
Рәнҗетмәгез ялгыз бабайларны,
Ялгыз гомер иткән карчыкны..
Язмышларны сайлап булмагандай,
Сайлап алып булмый картлыкны.
Беркем алдан белми үзенең дә,
Кайчан,ничек ялгыз каласын.
Рәнҗетмәгез ялгыз калганнарны.
Кемнәрнеңдер газиз баласын...С.Мокыйм.

На этом пока всё

Войдите в ОК, чтобы посмотреть всю ленту