Фильтр
ВсёУвлечения
ИА «Удмуртия». Ижкар. Иворъёс
17:00
❄ 21-тӥ толшоре Удмуртиын пильмаськылаз, уйин интыен-интыен ӧжыт лымы усёз.
Тӧл шундыӝужан палась, уйпал но шундыӝужан вискысь секундскын 3-8 метре пельтоз. Шуак кезьытскоз. Уйин температура -22…-27, интыен-интыен -32 градусозь лэзькоз. Нуназе -18…-23, интыен-интыен -28 градус возиськоз. Сюресъёс вылын йӧвалег:
https://udmurt.media/ud/rubrics/inkuaz/640398-udmurtiyn-kuaz-syarys-21-t-tolshore-nunaze-intyen-intyen-28-gradusoz-kezyt-kariskoz/
ИА «Удмуртия». Ижкар. Иворъёс
16:42
Удмуртиын «Земский тренер» программая куриськонъёс кутыны кутскизы. 50 сюрслэсь ӧжыт улӥсен каре яке гуртэ физукльтура но спорт удысын ужаны выжем ӧнерчиослы 1 миллион манет сётозы:
https://udmurt.media/ud/rubrics/sport/640418-zemskiy-trener-programmae-kuriskonyesty-kutyny-kutskizy-udmurtiyn/
ИА «Удмуртия». Ижкар. Иворъёс
15:13
Улосвыл Гидрометцентрлэн ивортэмезъя, 22-26 толшоре Удмуртиын куазь эсэптэм кезьыт возиськоз. 22-тӥ толшоре уйин интыен-интыен -30…-32 градус луоз. 24-тӥ толшоре потон уе температура -36 градусозь лэзькоз. Соин валче сюресъёс вылын йӧвалег луоз.
Удмуртиысь граждан обороная но шуэрес учыръёсъя кун комитет водительёслы но пыдын ветлӥсьёслы кышкыттэмлыкъя куронъёсты тодэ вайытэ. Карточкаосын валэктӥзы, кызьы машинаез кезьытъёслы дасяно, кызьы сюрес вылын йӧвалег дыръя усемлэсь утиськоно.
    • ИА «Удмуртия». Ижкар. Иворъёс
    14:20
    2026-тӥ арын Ижысь 14 азбаръёсты умоятозы. Солы 80 миллион манет висъялозы – миым сярысь кык поллы тросгес:
    https://udmurt.media/ud/rubrics/lest_skon/640393-14-azbaryesty-umoyatozy-izhkaryn-2026-t-aryn/
    ИА «Удмуртия». Ижкар. Иворъёс
    13:16
    Беспилотникъёслэсь кышкытлыкез Удмуртиын 21-тӥ толшоре 14 часын палэнтӥзы.
    ИА «Удмуртия». Ижкар. Иворъёс
    13:03
    65 ар талэсь азьло, 21-тӥ толшоре 1961-тӥ арын, Удмуртиысь крезьгуръя но драмая кун театрлэн (али Удмуртиысь операя но балетъя П. И. Чайковский нимо театр) сцена вылаз «Наталь» нырысетӥ удмурт опералэн премьераез ортчиз. Сое удмурт крезьгурчи Герман Корепанов Филипп Кедровлэн «Катя» повестезъя кылдытӥз. Либреттоез драмая ӟуч театрысь артист Александр Симонов гожтӥз.
    Спектакльын сирота кылем Наталь нимо удмурт нылмуртлэн калык бугыръяськон, Нырысетӥ дунневыл ож но революци вакытэ секыт улонэз но адӟонэз возьматэмын.
    Операез Арам Хачатурян и Тихон Хренников крезьгурчиос вылӥ дунъязы. Соослэн ӵектэмзыя Герман Корепановез СССР-ысь крезьгурчиослэн огазеяськоназы пыртӥзы.
    2011-тӥ арын операез о
    • ИА «Удмуртия». Ижкар. Иворъёс
    11:50
    Юкаменскын Спортъя XXXII элькун тол гурт шудонъёслэн (0+) нырысетӥ ӵошатсконъёсыз ортчизы. Отын Удмуртиысь устооссэ механизаторъёсты но скал кыскисьёсты шараязы. Соос троеборьеын кужымзэс мертазы:
    https://udmurt.media/ud/rubrics/sport/640348-usto-mekhanizatoryesty-no-skal-kyskisyesty-sharayazy-udmurtiyn-elkun-tol-gurt-shudonyes-ulsyn/

    Туспуктэм: Удмуртиысь сборной командаослэн спорт дасяськонъя центрзылэн пресс-службаез
    ИА «Удмуртия». Ижкар. Иворъёс
    11:13
    Удмуртиын сюресъёс вылысь лымыез утялтыны 400-лэсь трос техникаез поттӥзы.
    Берло куинь нунал ӵоже Ижкарын 40 сюрс кубометр лымы поттэмын, Глазкарын – 2,5 сюрс кубометрлэсь трос, Воткаын но Сарапулын – быдэн 2 сюрс кубометрен.
    https://udmurt.media/ud/rubrics/merlyk/640341-400-les-tros-tekhnikaez-pott-zy-lymyez-utyaltyny-udmurtiyn/
    ИА «Удмуртия». Ижкар. Иворъёс
    09:23
    «Беспилотная опасность» сигнал ялӥзы Удмуртиын 21-тӥ толшоре 10 час 7 минутэ. Со сярысь Граждан обороная но шуэрес учыръёсъя кун комитетлэн кивалтӥсез Андрей Шуткин телеграм-каналаз ивортӥз.Экстренной службаосты ӧтьыны телефон номер – 112.
    загрузка
    Показать ещё