SON XƏBƏR

Ukraynaya 1 milyon dollarlıq yardım göndərildi Azərbaycan tərəfindən Ukraynaya humanitar yardım məqsədilə nəzərdə tutulmuş elektrik avadanlıqlarından ibarət növbəti yük Sumqayıt Texnologiyalar Parkının ərazisindən yola salınıb. Humanitar yükün tərkibinə ümumilikdə 12 ədəd alçaq gərginlik paneli, 11 ədəd generator, 5 ədəd transformator və 27 min metr kabel və naqil daxildir. Ukrayna tərəfinin müraciəti əsasında təşkil edilən yardımın ümumi dəyəri 1 milyon dollardır. SON XƏBƏR

Ötən ilin ilk 11 ayı ərzində Azərbaycandan xaricə ümumi dəyəri 6 milyon 466,4 min dollar olan 90 milyon 437,8 min ədəd yumurta ixrac edilib Yumurta ixracı 6 ölkəyə - ABŞ, Birləşmiş Ərəb Əmirlikləri, Qambiya, Qətər, Syerra-Leone və İraqa olub. Açıqlanan məlumatlardan da göründüyü kimi, ixrac olunan yumurtanın bir ədədinin orta gömrük dəyəri 7,2 sent (12,2 qəpik) olub. Ötən ilin ilk 11 ayında yumurta Azərbaycandan xarici ölkələrə aşağıdakı qiymətə ixrac edilib: ABŞ – 33 milyon 499,44 min ədəd (bir ədədinin orta gömrük dəyəri 14,4 qəpiyə); Birləşmiş Ərəb Əmirlikləri – 54 milyon 527,76 min ədəd (10,8 qəpiyə); Qambiya – 898,56 min ədəd (10,4 qəpiyə); İraq – 360 min ədəd (9,9 qəpiyə); Qətər – 360 min ədəd (14,4 qəpiyə); Syerra-Leone – 792 min ədəd (10,9 qəpiyə). Məlumat üşün onu da bildirək ki, ötən ilin ilk 11 ayında Belarus və Almaniyadan Azərbaycana yumurta gətirilib. Belarusdan 608,4 min ədəd yumurta idxal edilib və bir ədədinin orta gömrük dəyəri 18,8 qəpik olub. Bundan başqa Almaniyadan təxminən 50 ədəd yumurta gətirilib ki, bu yumurtaların da bir ədədinin orta gömrük dəyəri təxminən 1 manat olub. Onu da bildirək ki, hazırda Almaniyada bir ədəd yumurtanın pərakəndə satış qiyməti təxminən 0,33 avroya (65 qəpik) bərabərdir. SON XƏBƏR

Tovuzda küçədə yaşayan ana və uşağın görüntüləri yayıldı: Dövlət qurumları hərəkətə keçdi Tovuz rayonunda uzun müddətdir ana və 11 yaşlı övladının küçə şəraitində yaşaması ilə bağlı görüntülər yayılıb. Məsələ Ailə, Qadın və Uşaq Problemləri üzrə Dövlət Komitəsi tərəfindən nəzarətə götürülüb. Bu barədə Komitənin mətbuat katibi Teymur Mərdanoğlu sosial şəbəkə hesabında paylaşım edib. Paylaşımda bildirilib ki, Tovuz rayonunda ana və 11 yaşlı övladının küçə mühitində yaşaması ilə bağlı daxil olmuş məlumat dərhal nəzarətə götürülüb. Qeyd olunub ki, aparılmış ilkin araşdırmalar və mövcud vəziyyətin qiymətləndirilməsi nəticəsində aidiyyəti qurumlarla birgə təxirəsalınmaz tədbirlərin görülməsi təmin edilib. Bildirilib ki, Komitənin dəstəyi ilə Tovuz Rayon İcra Hakimiyyəti tərəfindən 11 yaşlı uşaq Tovuz Rayon Mərkəzi Xəstəxanasına yerləşdirilib. Ana isə ixtisaslaşmış tibbi yardımın göstərilməsi məqsədilə psixiatriya profilli tibb müəssisəsinə göndərilib. Məlumata görə, uşağın sağlamlıq vəziyyəti xəstəxanada müvafiq tibbi müayinələrdən keçirildikdən sonra onun mənafeyinin, təhlükəsizliyinin və sosial rifahının təmin edilməsi məqsədilə qanunvericiliyin tələblərinə uyğun olaraq müvafiq uşaq müəssisəsinə yerləşdirilməsi istiqamətində zəruri tədbirlərin görülməsi nəzərdə tutulur. Qeyd edilib ki, məsələ aidiyyəti dövlət qurumları tərəfindən nəzarətdə saxlanılır və uşağın hüquqlarının qorunması istiqamətində müvafiq işlər davam etdirilir. SON XƏBƏR

Allah bütün Şəhidlərimizə Rəhmət Eləsin inşAllah... #20Yanvar #20yanvar #1990 #qanlıyanvar #qanliyanvar #soyqırım #soyqirim #Bakı #Baki #Baku #Bakü #20января #кровавыйянварь #геноцид #Баку #ссср SON XƏBƏR

🇮🇳 🚀 🇦🇲 Hindistan Ermənistana “Pinaka” idarə olunan raketlərinin ilk partiyasını göndərib 👉 Raketlərin ilk partiyası yanvarın 18-də Naqpur şəhərində keçirilən mərasimdə Hindistanın müdafiə naziri Rajnat Sinqin iştirakı yola salınıb. 📃 Ermənistan 2022-ci ildə “Pinaka” sisteminin dörd batareyası üzrə müqavilə bağlamışdı. 📡 Buraxılış qurğularının tədarükü əvvəlki mərhələlərdə həyata keçirilib, indi isə idarə olunan sursatların ixracı başlayır. SON XƏBƏR

Ötən ilin yanvar-noyabr aylarında Ədliyyə Nazirliyinin rayon (şəhər) qeydiyyat şöbələri tərəfindən 88 min 135 doğulan körpə qeydə alınıb və 2024-cü ilin müvafiq dövrü ilə müqayisədə əhalinin hər 1000 nəfərinə bu göstərici azalaraq 10,1-dən 9,4-ə düşüb. “Yeni Avaz” xəbər verir ki, ötən ilin yanvar-noyabr ayları ərzində ölkədə 54 min 582 ölüm halı qeydə alınıb və 2024-cü ilin müvafiq dövrü ilə müqayisədə əhalinin hər 1000 nəfərinə bu göstərici 5,7-dən 5,8-ə qədər artıb. Qeyd edək ki, doğulanların sayının azalması, ölənlərin sayının artması nəticəsində Azərbaycanda əhalinin təbii artımı 18,2% azalıb. Əhalinin hər 1000 nəfərinə düşən təbii artım 4,4-dən 3,6-ya düşüb. SON XƏBƏR

Yanvarın 16-da ABŞ Prezidenti Donald Tramp Sülh Şurası adlı beynəlxalq təşkilat yaratmaq qərarını elan edərək, Azərbaycan Respublikasını təşkilata Təsisçi Üzv Dövlət olmağa dəvət edib Xarici İşlər Nazirliyinin (XİN) yaydığı məlumatda bildirilib ki, Azərbaycan Respublikası sözügedən dəvəti qəbul edərək, Sülh Şurasına Təsisçi Üzv Dövlət olmaq niyyətini ABŞ tərəfinin diqqətinə çatdırıb. “Ölkəmizin Sülh Şurasına üzvlüyü ilə bağlı rəsmi təsdiq məktubu ABŞ tərəfinə ünvanlanacaq və tələb olunan prosedurlar çərçivəsində müvafiq tədbirlər həyata keçiriləcək. Azərbaycan hər zaman olduğu kimi beynəlxalq əməkdaşlıq, sülh və sabitliyə fəal töhfə verməyə hazırdır”, - məlumatda deyilir. SON XƏBƏR

Tramp sosial media hesabında Qrenlandiyanı “fəth etdi” ABŞ Prezidenti Donald Trampın sosial media hesabında vitse-prezident Ceyms Devid Vens və Dövlət katibi Marko Rubio ilə birlikdə Qrenlandiyaya Amerika bayrağını sancmasının əks olunduğu foto paylaşıb. “Bayrağın” yanında isə üzərində “Qrenlandiya, ABŞ ərazisi, 2026-cı ildən etibarən” yazılmış lövhə var. SON XƏBƏR

🤑🇦🇿 Qiyməti 1 milyard dollardır 🇦🇿🤝🇺🇸 Azərbaycan Trampın Qəzza ilə bağlı dəvətini qəbul etdi 🌍 Yanvarın 16-da ABŞ prezidenti Donald Tramp Azərbaycan Respublikasını Qəzza üzrə “Sülh Şurası”na Təsisçi Üzv Dövlət olmağa dəvət edib. 📜 Prezident İlham Əliyev Donald Trampın dəvətinə müsbət cavab verib. 🇦🇲🇷🇺 Qeyd edək ki, Ermənistan bu dəvəti bir gün əvvəl qəbul edib. Dəvət alan başqa bir ölkə, Rusiya isə hələlik yekun cavab verməyib. 🇺🇸💰 Daha əvvəl Donald Tramp bildirmişdi ki, Şuraya qoşulmaq istəyənlər 1 milyard dollar verməli olacaqlar. 💸 Şuranın nizamnaməsində deyilir ki, idarə heyətində dövlət başçısı tərəfindən təmsil olunan üzv ölkələr 3 il müddətinə qoşula biləcəklər və ya ilk 1 il ərzində 1 milyard dollardan çox ödəniş etdikdə daha uzun müddətə qala bilərlər. SON XƏBƏR

🕊️🇮🇱 Netanyahu da “Sülh Şurası”na qoşulur 🇺🇸🇵🇸 İsrailin baş naziri Benyamin Netanyahu ABŞ prezidenti Donald Trampın təşəbbüsü ilə Qəzza zolağı üçün yaradılan “Sülh Şurası”na qoşulacağını açıqlayıb. 🇮🇱 Bu barədə İsrail baş nazirinin ofisi bəyanat yayıb. 🌍🇺🇸 “Baş nazir Benyamin Netanyahu ABŞ prezidenti Donald Trampın dünya liderlərinin də daxil olacağı “Sülh Şurası”na qoşulmaq üçün dəvətini qəbul etdiyini açıqlayır”, - deyə bildirilib. 💥 2023-25-ci illərdə İsrail ordusunun Qəzzaya hücumları nəticəsində 70 mindən çox insan qətlə yetirilib, 170 minə yaxın insan yaralanıb. SON XƏBƏR