Гадиля Хисамова Сафина

Последний визит: 03:12

Фильтр

Заметки Увлечения

17 янв

Ярат мине туган ягым,
Гомерем буе ярат.
Авыр чакта баштан сыйпап
Хәсрәтем җилгә тарат.

Яратыгыз җир суларым,
Язга аяк басканда.
Ияртегез кар сулары,
Кайгыларым ташканда.

Яратыгыз урман-кырлар
Мин сезнеке гомергә.
Кояш кебек балкыганым,
Әл дә сез бар күрергә.

Ярат мине туган ягым,
Әле, бүген , иртәгә.
Вакыт җитәр, сәгать сугар,
Тузан булып китәргә.

Бер чәчәгең булдым җирдә,
Җимеш бирдем, сулмадым.
Чүп үләне дия күрмә,
Усал, гәмьсез булмадым!!!

Гадилә Хисамова

Гадиля Хисамова Сафина

11 янв

Рәхмәт көне диләр бүген,
Кемнәр уйлап чыгарган.
Рәхмәт сүзен бер көнем юк
Әле әйтми узгарган.

Иң беренче рәхмәт әйтәм
Таң атканга Аллаһка.
Рәхмәт әйтәм җир өстендә
Яшәткәнгә Оҗмахта.

Адым саен рәхмәтлемен
Әткәй белән әнкәйгә.
Авылдашка рәхмәтлемен,
Алдымдагы әпәйгә.

Рәхмәтлемен Кешелеккә
Рәхмәтлемен Җиһанга.
Якыннарым исән булып,
Шатландырып торганга.

Гадилә Хисамова

Гадиля Хисамова Сафина

11 янв

Шыгыр шыгыр килә карлар
Авылның урамында.
Һавасы да башка аның
Якын шул бураны да.

Төрле утлар янып тора
Шәһәрнең урамында.
Шаулый, гөрли анда халык,
Тик авыл уйларымда.

Авылымда көртләр ята
Таза ап ак карлардан.
Ә шәһәрдә төрле төсләр
Килә әллә кайлардан.

Бала чактан күнеп үскән
Авылның исләренә.
Алыштырмыйм шәһәрнең
Ул матур төсләренә.

Шыгырдамый анда карлар
Урамда ул ак түгел.
Авылларда аермалы
Агырак хәтта күңел.

Укыганда гәепләмә
Мине авыл баласын.
Гомер иткән авыл якын
Кайда гына барасың.

Гадилә Хисамова

На этом пока всё

Войдите в ОК, чтобы посмотреть всю ленту