Ольга Сургаева

Последний визит: вчера 17:59

Фильтр

Заметки Увлечения

Ольга Сургаева

30 ноя

Куку

Куку, конашкава морат!
Кинди казят кизонят?
Азк, кинь мяленц петемс ёрат?
Кинди кенярдезь кукат?
Кизот луфт, кинди мон анан —
Шачфты-касфтынязти монь,
И кинь мяленц эса ванан,
Шкайнять пилес морце тонь.
Тядяй валнясь — питнись самай.
Тядяй, вакссот мон идян.
Тязан, ляда лацот ськамон,
Мзярда монцьке сиредян.
Куку, куку, содай нармонь,
Кода кеняртьфтемайть монь.
Тядянязти азса, ардан, —
Сяда кизот эрят тон.

Сургаева О.П.

Ольга Сургаева

21 ноя

Коста сявовоть монь прязон, цёра, коста?
Коса ашель сёксе вестьке, арьсян, тоста.
Виденяста, арьсян, панчфса валф тундаста,
Инда ару мяльнень сери панда пряста.
Эхи психть тонь курстот ширен лии валхне,
Эздост солайхть эень сюротне и фальхне.
Мяштцень лангса визькста палозь монга солан.
Ванфцень эзда аф, аф коцан — юрнай толан.
Мес пяк стака эздот шири аськолкс тиемс?
Мезень сяпи медцень эса, сонь аф нилемс.
Тёждят аньцек ляйнякс шуди сельмоведне.
Мархтост учсете, и мархтост етнихть вене.
Ащан-эрян кати онцтон, кати шистон,
Ёфси иредень тонь кожфтот, шарфтонь кистон.
Сизень, вийда маштонь, прязе шарозь шары,
Кодак няйхте, эсток ронгонязе тары.
Али тяфта авань павазть варжан-марян,
Конань Шка

Ольга Сургаева

21 ноя

Тага мрдась меки ордатф сёксесь,
Од стаф, петьксу козя мазы щамса.
Нинге августста сон вармакс вальмас поксесь,
Люксесь паксява унжань кодаф нюрямса.
Тядде сась аф кяжи, пара мяльса,
Псинять мархта ялгакс крганьбецек.
Кати-мезе тошксихть Шкаень кяльса
Кизоть мархта сёксесь мельцек-мельцек.
Масторсь бта кенярдсь, марьхне кенерсть.
Тишесь пиже, хуш и таватф сувса.
Шуфттне сенем менельть пяли венемсть,
Соньге каземс ёрасть зрнянь тюсса.
Ваймамаль ни, саты, ушесь шоподсь.
Шумордамаль пяльди лопань балтьке.
Аньцек сексесь колендемс изь топодь,
Сон аф ваны лацон календарти.

Сургаева О.П.

На этом пока всё

Войдите в ОК, чтобы посмотреть всю ленту