Даната Воробей ( Ордынец )

Последний визит: 23 янв

Фильтр

Заметки Увлечения

24 дек

Дагараюць у печцы дровы,
У куце ля акна – ялінка.
Успаміны прыходзяць зноўку,
Там была я яшчэ дзяўчынкай.
На стале пад абрусам – сена,
Стравы посныя ўжо гатовы.
Набліжаецца час вячэрні,
Час для беднай куцці сягоння.
Разам мы ўсе ў бацькоўскай хаце,
Хутка будзем дзяліць аплатак,
Што прыслала радня здалёку
З пажаданнем вясёлых святаў.
Той аплатак для нас, малечы,
Пачастунак найлепшы самы,
Што ад розных нягодаў лечыць,
Так казалі нам тата з мамай.
З заміраннем чакаем ласку,
Што для светлых надзей аснова.
Гэта ноч - зімовая казка,
Гэта ноч Ражаства Хрыстова.
/ Даната Варабей /

Даната Воробей ( Ордынец )

2 ноя

Добры дзень у хату!
А ў адказ - маўчанне…
Што ж ты, любы тата,
Не йдзеш на спатканне?
Не адчыніш дзверы,
На парог не выйдзеш
І сваіх ты дзетак
Моцна не абдымеш.
Пазіраеш з неба
На сваю хаціну.
Рана…ці так трэба…
Ты яе пакінуў.
Хто ж траву пакосіць,
Зарастаюць нівы,
Дзе калісьці бегаў
Конь твой сівагрывы.
Дзе жыццё кіпела,
Зязюлі кувалі,
А цяпер часіны
Іншыя насталі…
Добры дзень у хату!
А ў адказ- маўчанне…
Што ж ты, любы тата,
Не йдзеш на спатканне?
/Даната Варабей/

Даната Воробей ( Ордынец )

14 окт

Атрымала ліст ад унука,
Піша ён, што усё нармальна,
Як у школе ідзе навука,
Хоць крыху прыхварэў зарана.
Ён пытае, як у нас справы
І пра котачку не забыўся.
Вось які ён добры і слаўны,
Надалей хоць бы не змяніўся.
Дабрату не купіць за грошы,
Не знайсці ні ў лесе, ні ў полі,
Хай жа больш учынкаў прыгожых
Нашы блізкія ўсім нам дораць.
Каб квітнела зямля навокал
І каб мірна было у свеце,
Хай жа радуюць нас заўсёды
Нашы ўнукі і нашы дзеці.

Даната Воробей ( Ордынец )

23 апр 2023

Весялуха, Весялуха,
Што ж ты нас не весяліш?
Тут цяпер пустэча, глуха
І наўкол нямая ціш.
Толькі кветкі на пагорку
Распускаюцца – цвітуць,
Птушаняты, бы сіроткі,
Гнёзды па вясне віюць…
А калісьці тут кіпела
Хрысціянскае жыццё,
Быў касцёл драўляны, цэлы.
Ўсё пайшло у небыццё…
Мая мама ўспамінае,
Як яшчэ была дзяўчом,
З вёскі хлопчыкі, дзяўчынкі
Пешшу йшлі сюды гуртом.
Тут у іх была навука,
Споведзь першая была.
І збіраліся вучыцца
З вёсак, з кожнага двара.
Тут парою частавалі
Іх духмяным малаком,
Бо кароўка пры касцёле…
І індзюшкі з індыком
Тут паважныя гулялі
Каля дома пры двары,
Весялілі-забаўлялі
Гучным поклічам яны…
…Разбурылі, зруйнавалі,
Знішчылі і ўсе крыжы,
Нібы кожнаму пакл

Даната Воробей ( Ордынец )

8 апр 2023

Пафарбуем яйкі, булак напячом,
Завітае свята хутка ў кожны дом.
Хрыстус уваскрэсе! –Сапраўды! –ў адказ
І Вялікім будзе гэты дзень для нас.
Павіншуем блізкіх, родных і сяброў,
Знойдзецца нямала цёплых, шчырых слоў.
Хрыстус уваскрэсне, каб надзею даць,
На шляху жыццёвым нам дапамагаць.
Нас любіць навучыць Ён без лішніх слоў,
Бо заўжды, навекі - Бог і ёсць любоў.
Пафарбуем яйкі, булак напячом.
Шчыра запрашаем свята ў кожны дом!
Даната Варабей