Алым Маликеев

Сейчас на сайте

Фильтр

Заметки Увлечения

Алым Маликеев

11 янв

БИЛБЕПМИН.

Күүлөп алдың сезимимди толготуп,
Күкүгүм ай, жүрөгүмдү ойготуп...
Алганыңды алдын ала билбепмин,
Кыйнабасмын сени көпкө ойнотуп...

Кыйбасым ай, мен деп согот жүрөгүң,
Кылыгыңдан кетүү мага бир өлүм.
Экендигин кечирип кой кеч билдим,
Өзүңдөйдү көпкө таппай жүдөдүм.

Карегиңден көрүп турам жалынды,
Карегим ай, чоң сүйүүгө кабылды...
Аалам кезип эңсеп жүргөн бакытым,
Айланамдан алыс эмес табылды...

Калган экен сезимибиз үтүрдөй,
Уланууда экөөбүзгө күтүлбөй...
Чынын да эле болуп алчы ашыгым,
Калган өмүрүм арнайынчы бүтүндөй.

Автору: Алым Маликеев.

Алым Маликеев

29 окт

ӨЗҮМДӨН КЫЗГАНАМЫН.

Көргөндө көзүм тойбой,
Көркүңө суктанамын.
Башкага көңүл толбой,
Жанымдан чыкпа жаным.
Айталбайм бир өзүңө,
Жүрөктүн сыздаганын.
Таң калам мүнөзүмө,
Өзүмдөн кызганамын.

Ар дайым сени көрүп,
Аябай кубанамын.
Күлкүмдүн теңин бөлүп,
Күчтөнөм кураламын.
Көтөрүп көңүлүңдү,
Көп ырлар чыгарамын.
Тапшырдым өмүрүмдү ,
Таарынтпа суранарым.

Жүзүңдөн өпкөнмүн мен ,
Жүрөгүм төп келишкен.
Жазымдын көктөмү сен.
Жарыгым өх.. периштем.
Сыйкыры бул сүйүүнүн,
Сырларын ачалбадым.
Бари бир туң сүйүүмсүң,
Бактымды татам жаным.

Автору: Алым Маликеев.

Алым Маликеев

28 окт

МЕН САГА БАРАТАМЫН.

Унутуп баратканмын,
Бактымдын таң атканын.
Өзүңсүз жаап жүрдүм,
Өмүрдүн барактарын.
Сүйүүмө кумар күчөп,
Сүртүмүн таратканмын.
Жашоодо бактым үчүн,
Мен сага баратамын...

Жазайын санаттарын,
Бүгүлгөн канаттарын.
Эсимден такыр өчпөй.
Эзилди жараттарым.
Токтотом мүмкүн элдин,
Күмөндүү карашканын.
Мазмундуу жашоо үчүн,
Мен сага баратамын...

Автору: Алым Маликеев.

Алым Маликеев

27 окт

ПЕРИШТЕМСИҢ.

Сен жака умтуламын,
Сезимге буркурадың
Бир көрүү бакыт мага,
Башкача кулпурасың.

Көздөрдүн назарынан,
Көңүлдүн казалынан.
Кызганып коем сени,
Сүйүүңдүн азабынан.

Өзгөчө келишкенсиң,
Өмүрдө периштемсиң.
Белегим жараткандын,
Өзүңө кезиккем чын.

Бактыңа багынамын,
Буркурап агыламын.
Ичимден күйүп жанып,
Билдирбей сагынамын.

Сезимди танасыңбы,
Сөзүмдү чанасыңбы.
Карегиң айтып турат,
Мен сага жагамынбы.

Тагдырдан табылганым,
Так сага кабылганмын.
Тазасы жүрөгүңдүн
Таң берип кагыламын.

Автору: Алым Маликеев.

Алым Маликеев

27 окт

ЖҮРӨГҮМДӨН ӨЧҮРБӨЙМ.

Мен сүйүүдөн чындап эле адашкам,
Турса дагы көзүм жетип баарына.
Ал күч таппай койдум сезим тараптан,
Калбайын деп калгам адам каарына.

Убактылуу болсо дагы сүйүүбүз,
Ошол сүйүү эң бактылуу кыла алган.
Бир бөлмөдө шаңдуу чыкчу үнүбүз,
Ой тилектер бирдей болуп чыңалган.

Андан бери канча мезгил өтсө да,
Ал сүйүүмдү урматтадым өкүнбөйм.
Жыл алмашып мезгилдерге көчсөда,
Жашай берсин жүрөгүмдөн өчүрбөйм.

Мезгилдерге ээрчип мен да улгайдым,
Башка жанды жактырбадым сенчелик.
Кайыл болгом жазганына маңдайдын,
Калсам дагы жалгыздыкка теңшелип.

Улам - улам сен тараптан сагыныч,
Келген катты, окуп алып кубанам...
Болсо сенде, менде жоктур таарыныч,
Амандыгың тилеп күндө сурана