Танюшка )))

Последний визит: 19 янв

Фильтр

Башкирия❤️

Юратӑва эп йӑнӑш пуль ӑнлантӑм...

Юратӑва эп йӑнӑш пуль ӑнлантӑм,
Килӗштертӗм тӗрӗс мар та ҫав ҫыннах.
Каҫса кайсах ӑна-ҫке хыт юратрӑм,
Чуна та суранлатрӑм тарӑнах.

Тӗлпулӑва эп чӑтӑмсӑр кӗтеттӗм,
Ӑна курма васкаттӑм урама,
Ун хитре куҫӗнчен тинкереттӗм -
Урӑхла эп туяттӑм хама.

Юратӑва йӑнӑшпа ҫав ӑнлантӑм
Ҫак туйӑма урӑхла эп курса.
Тепӗр тӗрлӗ - суя - та пулать вӑл,
Шел, эп вара пӗлменччӗ ҫакна.

Эх, мӗншӗн Унччен чухласа илеймерӗм
Кашни утӑмрах мана суйнине,
Эх, мӗншӗн тин ҫеҫ хама ӗнентертӗм
Унӑн юратӑвӗ вӑйӑ пулнине.

Татьяна ИШМУРАТОВА.
24.06.2024.

Танюшка )))

3 дек 2023

Татах тем ҫырнӑ кунта...

«Ӗненетӗп: юрату ҫӗр ҫинче вӑл пурах,
Эпӗ шанатӑп: Турӑ ҫырни те ҫитӗ ҫавах.
Эпӗ туятӑп: таҫта мар, ҫывӑхрах вăл, ҫумрах,
Куратӑп ӑна пӗрре мар тӗлӗкре те, чӑнах.

Сас парса чĕнет пек мана вӑл таҫтан, аякран,
Анчах хӑш çулĕпе утмалла-ши халь ман?..
Тен, кӗтет хӑй мана эпĕ пĕлмен вырӑнта?
Ӑнланмастӑп: юмах-и ку е чӑн пурнӑҫра?

Пӗр кӗтмен ҫӗртен ак эп тӗл пулӑп ӑна,
Ӗнтӗ иртсе те кайăп палламасăр çапла.
Пушаннӑ чӗрене юратупа тултарма
Вӑл пултарӗ-ши - ман пӗлесчӗ ҫакна.

Татьяна Ишмуратова.
29.07.2023.

Танюшка )))

17 окт 2023

Самантлӑха санпа ман пуласчӗ

Самантлӑха санпа ман пуласчӗ,
Тинкересчӗ хитре куҫунтан ,
Эс ыталасан пур япӑха та манасчӗ,
Сан ытамра эп телейлӗ, ӑнлан.

Турӑран тархасласа халь ыйтасчӗ,
Ҫитерме хӑвӑртрах сӗм каҫа.
Тӳпене вӗҫесле эп савӑнасчӗ
Тӗл пулсассӑн, савниҫӗм, сана.

Чи сивӗ ҫанталӑк та мана хӑратаймӗ,
Эс ҫумра пулсан вӑл халӗ - Ҫулла.
Чи тӗттӗм каҫӗ нимех те тӑваймӗ,
Сан ҫумра эп хӳтлӗхре, туятӑп ҫакна.

Татьяна ИШМУРАТОВА.
5.10.2023