Рузиля Мифтахова(Бадгиева)

Последний визит: вчера 18:17

Фильтр

Заметки Увлечения

18 июн 2021

Язмыш әгәр уйный икән
Синең белән качышлы.
Ул синең арттан йөгерсен
Карый бел үз җаеңны.
Сине егырга маташып
Аяк чалса ,карышса.
Тезләнгән саен торып бас
Мин көчле!- дип,каршына.
Сынауларын өеп бирсә
Төйни бар төенчеккә.
Йомшаклыгыңны күрсәтмә
Нык утыр ияреңдә.
Елатыр, күз яшь түктерер
Сытык булма,елама.
Көчлеләрне генә сыный
Язмыш үз юлларында.
Авырлыклар аша килә
Бәхетләргә юллама.
Җиңел сукмактан атлаучы
Бу тормышта югала.
Динар Хайруллин

Рузиля Мифтахова(Бадгиева)

22 янв 2021

Бер өмет
Дусларың сынатса дуслыкта,
Мәхәббәт терелсә мең үлеп,
Яшәүгә көч бетми беркайчан
Күңелдә сакланса бер өмет!

Егылып елатыр чакларда
Күтәреп торгыза бер үгет.
Кайгыдан шатлыкка күпер күк
Бер өмет, бары тик бер өмет!

Хәнҗәр күк кадалган сүзләр бар,
Тик сынма, калма син бер җебеп.
Сынганга сокланмас кешеләр,
Яшәсен җаныңда бер өмет.

Кылынган хаталар онтыла,
Хәтер ул – диңгездә бер күбек!
Давыллар котырып бер тына,
Һәм балкый кояшлы бер өмет!

Гөлнур Айзат.

Рузиля Мифтахова(Бадгиева)

7 янв 2021

Яңа яуган кардай ап-ак биттән,
Башлыйбыз тормышның бу елын.
Кил тизрәк! Көтәбез сине күптән!
Сикәлтәсез булсын тик юлың!

Багылыйбыз өметләрнең зурын,
Теләк тулы туар таңыңа.
Алып кил бу елда иң матурын,
Гомернең лаеклы данына.

Кайгырабыз, эчтән ялынабыз,
Бәхет, шатлык теләп юрыйбыз.
"Хуш киләсең"- диеп талпынабыз,
Дөньяга изгелек юллыйбыз.

Акла ышаныч тулы йөрәкне,
Бүләкләрең жәлләми тарат.
Сандугач сөйгән кебек тирәкне,
Син дә безне шул тиклем ярат.

Ярат һәм хөрмәт ит барыбызны,
Сине көтте олы, кече дә.
Тик сүндермә, яктырт ул йолдызны,
Синдә без дәртле дә, көчле дә.

Төкле булсын юлың, рәхим ит,
Юл бирәбез без колач ачып.
Һәрбер өй дә көтә бәхет бит,
Һәр йөрәктә сиңа юл ачык!

Раиль Ки