Жашоодо сен бар,мен үчүн көрктүү бул аалам
Тагдырга алкыш ар убак айтып кубанам
Асыл жан үчүн,чеги жок бакыт берчи деп
Бассам да турсам Кудайдан тилеп суранам
Санаага батып,маанайып чөгүп турганда
Кыялым учуп,өзүндү эстейм бир гана
Моймолжуп турган көздөрүн сенин эстесем
Кетемин сүңгүп,керемет бакыт жыргалга
Бараткан кезде,жанаша басып сен менен
Мен үчүн бакыт..айта албайм аны сөз менен
Сүйүүнүн даамы,керемет жыргал экенин
Кезигип сага калганча эч бир сезбегем
Көз жоосун алган кооздугуң гүлдөй бакчада
Апапак жүзүң,булактай тунук таптаза
Дүйнөдө канча керемет сулуу болсо да
Мен үчүн асыл..эң сулуу жансын башкача