Дамир Валеев

Последний визит: 29 янв

Фильтр

Заметки Увлечения

Дамир Валеев

27 янв

БИЮЧЕ.
Яше бар дип әйтмәссең дә,
Ничек баса бит әле!
Яшьләр бер яктарак торсын -
Исең китәрлек әле!

Артистлыкка укымаган,
Сауган колхоз сыерын.
Авыр эштә күп вакыты
Үткән авыл кызының.

Нинди җитез, күз иярми-
Бии - бии остарган.
Зифа буйлы, нечкә билле,
Аермаслык яшьләрдән.

Үсмерләргә киңәшем шул:
Хәрәкәттән файда күп.
Бии - бии остарырсыз,
Башлагыз сез бүген үк!

ДАМИР ВӘЛИЕВ.

Дамир Валеев

23 янв

Саумысыз, дусларым!
Концертка ике билет отарга ярдәм итегез әле яме
Ссылкадан кереп лайк куярга гына кирәк зур рәхмәт!
https://vk.com/wall686348008_8509

Дамир Валеев

17 янв

АБЫЕМА.
Абый җаным, бер чәй эчик әле
Хуш ислесен утта пешереп.
Гармуныңда уйнап, урам буйлап
Йөргән чакны искә төшереп.

Бигрәк яхшы, яшәүләре бигрәк
Рәхәт икән абый - энеле.
Бәхет - шатлык, исәнлек - саулыкта
Туган белән яшәү күңелле.

Абый, шатланып эч сөтле чәйне,
Балалар дип якын тирәмдә.
Өең җылы, чәең кайнап торсын
Якыннарың яныңа килгәндә.

Бертуганнар алар дип әйтсеннәр,
Утырыйк бер тәмле чәй эчеп,
Төнге урам буйлап җырлап үткән
Егет чакны искә төшереп.

ДАМИР ВӘЛИЕВ.

Дамир Валеев

15 янв

БЕЛЕП ЯШӘ - ГОМЕР БЕР.
Туган көн була елга бер,
Яшьнәп яшә, бәхет күр.
Аллаһ биргәнгә шөкер ит,
Белеп яшә - гомер бер.
Хәрам малга кулың сузма,
Хәләл ризык тап эшләп.
Гөнаһ җыйма син ялгыш та,
Бер Аллаһ бездән өстә.
Кечерәк дип җәбер итмә,
Олыракны хөрмәт ит.
Кечесен дә, олысын да
Чакырып бер кунак ит.
Сарык суеп, бәйрәм уздыр,
Ярлыга да бүлеп бир.
Мәчеткә сәдака тапшыр,
Савабы күп, шуны бел.
Иртә - кичен дога укы,
Сурәтләрне яттан бел.
Аллаһ исемен кабатла,
Хәереңне бирә кил.
Онытма ник туганыңны,
Изге булса күңелең,
Сөеп - сөелеп, бәхеттә
Үтәр синең гомерең.
ДАМИР ВӘЛИЕВ.

Дамир Валеев

15 янв

БАЛАЧАК.
Минем еллар - ул үткән юлларым,
Балачактан эзләр салынган.
Сокланырлык! Күңел түремдә дә
Саклар өчен урын алынган.
Сүрәтлимен күркәм табигатьле
Туып - үскән туган ягымны.
Җәен уйнап, кышын чана шуып
Йөргән гамьсез бала чагымны.
Урам тулы сары каз бәбкәсе
Ятып ауный яшел чирәмгә.
Себеркегә каен куакларын
Кушып бәйлим япь-яшь имәнгә.
Кайтырга да вакыт. Бик тиз генә
Мәтрүшкәләр җыеп өлгереп,
Кызыл җиләк тәлгәшләрен тотып,
Текә ярдан төшәм йөгереп.
Каешыма таккан савытыма
Су алыйм дип иелә төшәм.
Мәтрүшкәләр салып, юкә балы белән
Тәмләп кенә кайнар чәй эчәм.
Сагындыра яланаяк чирәмнәрдә
Уйнап йөргән гүзәл балачак.
Һәркемнең дә күңел почмагында
Балачагы урын алачак.
Онытылмас матур

На этом пока всё

Войдите в ОК, чтобы посмотреть всю ленту