Радик Ахматханов

Последний визит: 20:39

Фильтр

Заметки Увлечения

Радик Ахматханов

31 дек

Яңа ел карлары

Салмак кына ява ап-ак карлар,
Иске елдан яңа елга күчкәндә.
Изге теләкләр телим милләттәшләр,
Яңа ел курантлары сукканда.

Иске елда берүк торып калсын,
Дөнья мәшәкәте, зарлары...
Җан тынычлыгы алып килсен,
Яңа елның тәүге карлары.

Сәләмәтлек телим барчагызга,
Саф мәхәббәт, татлы сагышлар.
Назга тулсын күңел бакчагызда,
Ниһаять бетсен каһәрле сугышлар.

Балалар кочсын батыр аталарын,
Кушылсыннар аерылган парлар.
Әниләр кочсын гәзиз улларын,
Яусын әле, яусын сихри карлар.

Радик Ахматхан - 31.12.2025

Радик Ахматханов

20 ноя

Оныкларда ул бәхет

Сары көз-дип моңайма җаным,
Кояшлы көн, чиста офыклар.
Соры көзне нурга күмәр өчен,
Аллаһым биргән безгә оныклар.

Ике бәхет янда йөгереп йөри,
Өченчесе килеп җитмәгән.
Алар белән без бәхетле икән,
Димәк гомер бушка үтмәгән.

Һич сәбәп юк безгә моңаерга,
Ял көнебез татлы мәшәкатта үтә.
Кызлар тәртип урнаштырса,
Шук малай бар дөньяны сүтә.

Көннәребез үтә күңелле,
Картаерга хатта юк вакыт.
Балалар күреп торсада күңелне,
Оныкларда икән ул бәхет!

Радик Ахматхан - 3.11.2025

Радик Ахматханов

13 ноя

Юбилеең белән, Краснокама!

Кама белән Агыйдел кочагында,
Күкрәп яши газиз төбәгем.
Юбилеең белән,Краснокамам,
Синдә яшәү - изге теләгем.

Җир астыннан кара алтын чыга,
Басуларда үсә алтын башаклар.
Елгаларда көмеш сулар ага,
Саф һавалы куе урманнар.

Колхозчылар,төзүчеләр, нефтьчеләр,
Көчеңне арттыра, сине төзиләр.
Укытучылар, спортчылар,сәнгатьчеләр,
Сине данлый, сине бизиләр.

Районымда яши тырыш халык,
Хәләл көче белән ирешә максатка.
Халкыма телим исәнлек, саулык,
Ә районым күмел син чәчәккә.

Краснокама - мәңге сулмас чәчәк,
Башкортстанның син бит энҗесе.
Аяз,тыныч булсын безнең киләчәк,
Бәхетле булсын һәрбер кешесе.

Радик Ахматхан - 2025

Радик Ахматханов

27 окт

Хыял

Кама буен йөреп кайтыйк әле,
Көзге җилләргә наз өләшеп.
Яшь наратлар - сөю шаһитлары,
Карап калсын әле көнләшеп.

Кама ярларына кабат килдек,
Без яккан учак калган күмергә.
Раббым фатихасын бирсен,
Мәхәббәт тулы калган гомергә.

Кама буе гел үзенә тарта,
Әллә яшьлек шунда үткәнгә.
Якты хәтирәләремнедә яңарта,
Бәлки син мине өзелеп көткәнгә.

Күкләр көннәшерлек булды сөю,
Бар тарафтан тыелган булганга.
Урап узмады хатта янү-көю,
Һәр көн сагышларга тулганга.

Күзләреңнән ачы яшь тамды,
Хыялыбыз ашмый тормышка.
Хәзер канәгатьбез икебездә,
Язмыштан булмаган узмышка.

Радик Ахматхан-27.10.2025

Радик Ахматханов

12 окт

Күрешү теләге

Бер күрешү теләге бар күңелемдә,
Син шушы теләгемә ничек карыйсың?
Җанымда син, син акылымда,
Синең халәтенә ничек ярыйм соң?

Көн - төн җаным сагышларда янам,
Күрешү көн - тик зәңгәр хыял.
Өмет хисләрендә мәңге янам,ышанам.
Бергә булу - бары тик иһтимал!

Хыялларым ак канатларым,
Ихлас сөю бик зур этәргеч!
Ачуланма инде серле Назым.
Аралашу булмасын үкенеч,

Очрашу - күрешүне кичектереп,
Сөйгән ярым зинһар соңлама!
Язмышлардан узмышларны эзләп,
Яралы йөрәгеңне берүк алдама!

Радик Ахматхан-12.10.2025

Радик Ахматханов

3 сен

Күзләреңә сөеп карыйм

Күзләреңә сөеп карар идем,
Әгәр булсаң минем янымда.
Элек хыялымда гына идең,
Хәзер син минем җанымда.

Ниләр генә инде кыйлансаңда,
Син барыбер күңелем күгендә.
Сөю хисләрем белән уйнасаңда,
Тансык кешем син әле бүгендә.

Хисләр безнең белән уйнасада,
Шаулы язның син назлы бүләге.
Бергә булу алтын көзләрдә,
Күңелләребезнең изге теләге.

Күзләреңә сөеп карыйм хәзер,
Йөзеңдә бәхет нуры җемелди.
Шушы хәлдә мин калырга әзер,
Уртак сөюләр җиңел бирелми.

Радик Ахматхан - август 2025

На этом пока всё

Войдите в ОК, чтобы посмотреть всю ленту