Н у р а с м а н Ызакова

Последний визит: 31 дек 2025

Фильтр

Заметки Увлечения

15 июл 2021

АТАКЕМ

Атакем ов, кулабас бийик аскам,
Кадамыма кубанган ар бир баскан,
Тоскоолдуктар жаралса жанын үрөп,
Четке сүрүп жолумду кенен ачкан.
-
Балдарым деп аянбай жанып күйгөн
Акыл айтып жүрөгүмө бекем түйгөн,
Ысык - суука калтырбай калкалаган,
Атакем сен бар үчүн түгөл дүйнөм.
-
Атакем ов, жок дебей тапкан баарын,
Балдарым деп садага чапкан жанын.
Жараткандын сөздөрүн түз жеткирген,
Пайгамбардан кийинки пайгамбарым.
-
Атакем ов, Бакайдай акылманым,
Сезип турат ичимде катылганын.
Аска тоодой карааның жөлөк болгон,
Оорубасын эч качан асыл жаның.
-
Атакем ов, үйүбүздүн түндүгүсүң
Адамдардын эң асыл, бийигисиң.
Дуба кылып суранам бир өзүңө,
Жараткандын мээрими, нуру тийсин.

Ызакова...

Н у р а с м а н Ызакова

8 мая 2021

Кулак төшөп угуп тур кебим деген
Эки дүйнө өзүңсүң теңим деген
Бир жан менен махабат көчөсүндө,
Кезигиштим коңур күз кезинде мен
-
Түшүргөн соң торунан кетирбеген,
Бир ооруга кабылдым сезим деген.
Белгисиз бир ааламда учуп жүрөм,
Он сегизге толбогон кезимде мен
-
Кызыл килем төшөлүп көрүнбөгөн,
Сүйүү таптым сезими бөлүнбөгөн.
Акылымды жоготуп ашыктыктан,
Сүзүп жүрөм сүйүүнүн көлүндө мен.
-
Кирип алса акылга жеңилбеген
Жарым карыш жанынан кетирбеген
Ак сүйүүнүн оролуп кучагына,
Шарап ичпей мас жүрөм сезимге мен.

Ызакова...13.02