Ханты кайрыктары
ТЕРМЕЛЕР
Колго алып ханы күйбөсө,
Жыргатып элин сүйбөсө,
Бар туруп барын бере албай,
Бечара болгон эл карып.
Жайнаган жашыл төр жатат
Тулаңы белден буралган.
Шабырттап тепсеп оттобой,
Шалбаада калган мал карып.
Аскасы асман тиреген,
Жалама зоока жарлуу таш
Астында жатса алтын кен,
Сатылып кеткен тоо карып.
Аралап өзөн бойлогон,
Жандуунун баары жойлогон.
Артылып аккан дайрадан,
Асылын сезбей суу карып.
Жаркырап чыккан ай нуру,
Бөтөнчө сулуу көрүнөт.
Бактысы жанып турбаса,
Түгөйсүз калган кыз карып.
Эселин билбей эсирип,
Этек жең окшош деп жүрүп,
Ээн калган журтка окшош,
Энесиз калган төр карып.
Ардактап атка минбесе,
Айчылык жолго жүрбөсө.
Арка зоо болгон тиреги,
А