Karomatulo ТЧ

Последний визит: 30 ноя 2025

Фильтр

Заметки Увлечения

Karomatulo ТЧ

5 сен 2020

Дил муқими кӯи ҷонон асту ман ин ҷо ғариб,
Чун кунад бечораи мискин тани танҳо ғариб.
Орзӯманди диёри хешаму ёрони хеш,
Дар ҷаҳон то чанд гардам бесару бепо ғариб?!
Чун ту дар ғурбат наяфтодӣ, чӣ донӣ ҳоли мо,
Меҳнати ғурбат надонад ҳеҷ кас, илло ғариб.
Ҳаргиз аз роҳи карам рӯзе напурсидӣ, ки чист,
Ҳоли зори мустаманди монда дур аз мо ғариб.
Чун дар ин даврон намеафтад касе бар ҳоли мо,
Дар чунин шаҳре, ки мебинӣ кӣ афтад бо ғариб?!
Дар ғарибӣ ҷон ба сахтӣ медиҳад мискин ……,
Во ғарибӣ, во ғарибӣ, во ғарибо, во ғариб!

Karomatulo ТЧ

3 сен 2020

Девонаву дилбастаи иқболи худат бош,
Саргарми худат ошиқи аҳволи худат бош.
Як лаҳза нахӯр ҳасрати онро ки надорӣ,
Розӣ ба ҳамин чанд қалам моли худат бош.
Дунболи касе бош, ки дунболи ту бошад,
Ингуна агар нест ба дунболи худат бош.
Парвоз қашанг аст, вале бе ғаму миннат,
Миннат макаш аз ғайру пару боли худат бош.
Сад сол агар зинда бимонӣ, гузаронӣ,
Пас шокири ҳар лаҳзаву ҳар соли худат бош!