Кербен KG

Последний визит: 26 апр 2023

Фильтр

Заметки Увлечения

Кербен KG

17 дек 2022

Ким бирөөгө чындыр балким жалгандыр,
Жайдан өтүп, күз келгенде жарган бүр.
Канчалаган көргөн жанды сыздатаар,
Кышындагы кар алдында калган гүл...

Кербен KG

27 окт 2022

ЭЛЕСИНЕ ТААЗИМ, АБАМ НУРАКТЫН!
( Кыргыз элинин залкар комузчусу, КР эмгек сиңирген эл артисти, дастанчы, обончу- аткаруучу,, акын Нурак Абдырахмановдун 75 жаш юбилейине арналат).

Толкундантып көздөн жаштар кулаттың,
Комуз күүсү үнү сымал булактын.
Кээде ташкын дайра болуп чабылып,
Кээде жайлап сезим кылын бурап миң...

"Аппак сүйүү" үнү менен орустун,
Жүрөктөргө сыйкыр болуп толупсуң.
Мурас кылып таштагандай эзелки,
Элестерин Ата Журттуу конуштун!

Өмүрдү өлүм шарты бир күн жеңмей,
А бирок калган иши Күнгө теңдей.
Комузчу улуу инсан Нурак акын,
Издейбиз дүйнөдөн эч таппай сендей.

Ыр-күүлөрдү бизге эми сунат ким?
Жолун кимдер басаар экен, улап чын.
Кыргызымдан аябаган эмгеги

Кербен KG

11 сен 2022

КҮЗ
Күз келип жалбырактар сары түстө,
Жай учуп, сабагынан жерге түшсө.
Колума кармап, аны ойлоп калам,
Да бир жыл кетти мына, окшоп түшкө.
Шашат күз, дарактар да кийими жок,
Көңүлдө мурдагыдай сүйүнүү жок.
Эх, чиркин, тагдыр неге татаал аттиң,
Жылмакай эмес экен түйүнү жок.
Ойлор көп, жердеги көп жалбырактай,
Жашоомдо көрүнсөчү жаркырап Ай.
Жаштыгым жылдан жылга узаса да,
Бакытым келсе экен жалдыратпай.
НУРЖАМАЛ АЙТБАЕВА

Кербен KG

28 ноя 2020

Апакем.
Жагымдуу жыт, жылуу демиң эстедим,
Кусалыкка ичим толо эх, менин.
Апакем ай, жүзүм назик сылаган,
Элесиңдин билчи жүрөк эзгенин.

Алыс жерде жүрөм сени сагынып,
Ар бир сөзүң кулагыма жаңырып.
Бала үчүн бүт мээримин арнаган,
Эне деген кандай кымбат жан ыйык!

Сенсиз жүрөк кубанычка толбостур,
Аалам дагы жарык нурдуу болбостур.
Бүт дүйнөнү кыдырсам да апакем,
Жан табылбас жалгыз сага окшош бир.

Ден соолукта жүрчү дайым оорубай,
Бейпил жашоо болсун кырсык тоорубай.
Жүзүңдөгү бакыт толо кубаныч,
Калса экен түбөлүккө соолубай.

Айтбаева Нуржамал Шараповна.