Шодибек Дадоматов

Последний визит: 17 янв

Фильтр

Заметки Увлечения

Шодибек Дадоматов

31 дек

Соли нав муборак! Соли нави 2026 мувофиқи ҳисоби Мучал соли асп аст.Бигзор саманди умратон раҳсипори манзили мурод бошад ва ҳамеша хушбахту хушком бимонед!

Шодибек Дадоматов

30 дек

Аз эҷоди айёми ҷавонӣ

Армуғони арафаи Соли нави мелодӣ

Биёмад Соли нав ёрам наёмад,
Диламро бурду дилдорам наёмад.
Тасаллоям фақат дидори ӯ буд,
Таманнои дили зорам наёмад

Биёмад Соли нав ёди ту кардам,
Хаёли чеҳраи шоди ту кардам.
Зи бори зиндагӣ қомат нашуд хам,
Ки ёди қадди шамшоди ту кардам.

Бимонӣ шод, шаҳри дилписандам,
Зи ободии ту ман сарбаландам.
Ту ҳастӣ мазҳари ишқи нахустин,
Хуҷандам, эй Хуҷандам, эй Хуҷандам.

Ба ту Соли нави мелодӣ табрик!
Рӯҳи болидаву ободӣ, табрик!
Каму ғамро набинӣ ту, Илоҳо
Бубинӣ сад ҳазорон шодӣ,табрик!

Шодибек Дадоматов

11 дек

Эй қалам, то зиндаам ором нагзорам туро,
То нависӣ рози дил бо худ нигаҳ дорам туро.
Гар наёбӣ чораи ишқам намесозам раҳо,
Байни ангуштони хеш ҳар дам бияфшорам туро.
Як ту медонӣ тамоми буду нобуди дилам,
Чун калиди қалъаи асрор пиндорам туро.
Бе ту монад дар ҳаво андешаву афкори ман,
Ҳар гаҳе илҳом ояд, ман ба даст орам туро.
Аз ту мегардад сабук дарди сару ранҷи танам,
Пас аз ин маҳбуби ҷони хеш бишморам туро.
Баски умре ҳамраҳам шабзиндадорӣ кардаӣ,
Номаи ишқу умеди хеш биспорам туро.