Толкунай Бегали кызы 💍

Последний визит: 5 ноя 2025

Фильтр

Заметки Увлечения

3 сен 2021

Согулдум...
Кагылдым...
Тоорулдум...
Жаңылдым...
Канча ирет жыгылып,
Канча ирет чалындым.
Санаанын жоолугун,
Сан жылдар салындым.
Турмуштун мушуна,
Туш келди кабылдым.
Туруштук бердирди,
Бийиги арымдын...
А бирок баштапкы,
Баео жан жоголуп,
Жаңырдым...
Табылдым..

Табы өчүп абалдын,
Тагы өсүп жарамдын.
Керектүү адамга,
Керексиз саналдым!
Билгенде катыгүн,
Бир өлдүм....Жаралдым!
Буулугуп сыя албай,
Бурчуна ааламдын.
Көөдөнүм ичине,
Көп жылдар камалдым.
А бирок тагдырдан,
Таап алды мени азыр,
Тазасы адамдын.

Жашоомду жаркытты,
Жакшысы адамдын!...
Ав:Гульниза Эргешова

Толкунай Бегали кызы 💍

19 янв 2021

Ажырашкан жандарды жаман дебе…

Нелер өтпөйт жашоодо асыл баштан,
Жаркылдаган жан көрдүм ажырашкан.
“Жакшынын бир жери кем” деген сөз бар,
Кеми ошо… тагдыр жолдо жалгыз баскан.

Балким, тагдыр кызганган бактыны андан,
Балким, жолу болбогон жакшы жардан.
Жаманга кор кылбайын деген өңдүү,
Балким, бакыт коркоттур жакшылардан.

Бакыттын сурашканда барар жагын,
Жармашам дейт этегине алсыз жандын.
Өзүн-өзү багат деп жалгыздыкка,
Байлаган дейт жакшынын таалай-багын .

Ажырашкан жандарды жаман дебе,
Жалгыздыкты тандабаган алар деле.
Тагдырга буйрук кыла алганда эгер,
Татына жүзүнөн жаш тамар беле?

Ажырашкан жандарды жаман дебе,
Басмырлап, сын көз менен карабагын.
Айтпаса айтпагандыр эрден бакыт,
Ба