Бакытбек Мааткалыков

Последний визит: 26 янв

Gif

Фильтр

Заметки Увлечения

Бакытбек Мааткалыков

28 мая 2017

Мен нан жебейм кардым ачып турганда.
Кайдагы нан, ага ун жок жуурганга.
Мен суу ичпейм таңдай катып турганда.
Ичкенге эмес азыр суу жок жуунганга.
Андан көрө берчи мага жегенге.
Кичине эт, майы менен куурганга.

Б. М.

Бакытбек Мааткалыков

16 апр 2017

Куураткан карыз ( тамашлуу).

Мен сени көрүп калып капыстан,
Качып кеттим көрүнбөстөн алыстан.
Качан эми кутулаарым билбеймин,
Куурадым го сенден алган карыздан.

Карыз деген ден соолуктан аздырат да арытат,
Карыз деген ойго салат, адамды тез карытат.
Карыз деген жан дүйнөңдү куурутуп,
Доолап келсе бүт жашооңду тарытат.

Эгер сага, ме деп бирөө карыз берсе,
Берээрсиң бир күн шашпай, алгын десе.
Жок дегин, албайм дегин, карыз акча,
Албагын кыйналсаң да, колдон келсе.

Автор: Б. Мааткалыков.

Бакытбек Мааткалыков

11 апр 2017

Сулуулук.

Сулуулук бул ар бир көздүн жоосун алат.
Сулуулук бул ар адамда эсте калат.
Сулуулукту эч бир адам кыя өтпөй,
Сулуулуука ар бир адам назар салат.

Сулуулук бул, океан, көл чалкып жаткан,
Сулуулук бул канаттуулар канат каккан.
Сулуулук бул тегеректи кооздоп турган,
Суктандырып жер бетинин көркүн ачкан.

Сулуулук бул жаратылыш чөйрөдөгү,
Сулуулук бул көпкөк асман өйдөдөгү.
Сулуулук бул эч бир адам көрө албаган,
Сулуулук бул ички дүйнө көйгөйдөгү.

Сулуулук бар эрте таңдын атаарында,
Сулуулук бар күндүн тоого батаарында.
Сулуулук бул бүт дүйнөнү каптап турат,
Сен да барсың ошолордун катарында.

Автор: Б. Мааткалыков.

Бакытбек Мааткалыков

6 апр 2017

Классташтар.

Баарыбызда окуу күндөр эсте калат.
Балдарыбыз ошол кезди эске салат.
Баары бир канча убакыт өтсө дагы,
Балалык кез китепчедей баракталат.

Ал кездерде биз кырк бештей окуучубуз,
Ар партада үчтөн бала олтурчубуз.
Ашкере тентектерден куралганбыз,
Аябай тентек кылып кутурчуубуз.

Азыр биз кыркка чыккан ата- энебиз,
Алдыбыз таятабыз, тай энебиз.
Аздектеп бала өстүрүп чоңойтсок да,
Азыр деле карыбастан, жаш элебиз.

Классташтар бир бирибизге кадыр барктуу,
Кутубуз бир бүтүндөй, бир дымактуу.
Кадырлап жаш кездерди эске салып,
Классташтар катышабыз ынтымактуу.

Автор: Б. Мааткалыков.

Бакытбек Мааткалыков

28 мар 2017

Эмне кымбат.

Билесиңби бул дүйнөдө эмне кымбат,
Туулган жериң, мекениң, эне кымбат.
Өмүр кымбат, аба кымбат, мүнөт кымбат,
Ушунун баарын билип, жаша тыңдап.

Дагы да жашап жаткан аалам кымбат,
Жаныңда жандап жүргөн адам кымбат.
Акылдуу, эстүү бол деп акыл айткан,
Ар бир үйдө баш болгон атаң кымбат.

Билесиңби бул дүйнөдө эмне жакшы,
Ден соолукка ар дайым күлгөн жакшы.
Жашооңдо жакшылыктар болуп турса,
Бактылуу, сонун өмүр сүргөн жакшы.

Автор: Б. Мааткалыков.