Ыр куржун🌴

Кыргызстан

Последний визит: 29 дек 2025

Фильтр

Заметки Увлечения

Ыр куржун🌴

30 мая

Бейишиң болсун Айзирек

Баш ийип тагдыр жазган жолум го деп,
Жалтанып айта албастан жарты ооз кеп.
Оо шордуу туткунунда жүрдүң беле,
Зөөкүрдүн капасынан чыга албай бек.

Бар туруп бир тууганың атаң -энең,
Бул дүйнө болду беле сага керең.
Көргөзбөй көз жашыңды, муң-зарыңды,
Кордукка башың ийип келдиң белең.

Унутуп өзүңдүн ким экениңди.
Жашоодо жүргөнүң жөн бекер өңдү.
Канкордун кан колунан билдиң бекен,
Бир күнү окко учуп кетээриңди.

Кайран кыз, кайран эне, кайран аял,
Эч бир жан болбоптур да сени аяар.
Бул жалган салган болсо сыноосуна,
Чын дүйнө Бейишинен тосуп алар.
Бейишиң болсун Айзирек 🤲

Ыр куржун🌴

26 мая

ЖАШОО БАРКЫ

Бүгүн күнүң тийип турса жаркырап,
Эртең күнүң кандай болот табышмак.
Үмүт деген толкуган чоң деңиздей,
Алга карай жылат пенде табыштап.

Жакшы тилек- максат менен барабыз,
Талап койуп аткарууга бел байлап.
Жашоо нугу бийиктерге жетелейт,
Койгон өңдүү ырыскыны бүт камдап.

Тирүүлүктүн түгөнбөгөн түйшүгү,
Сынайт экен болгон бардык күчүңдү.
Кээде өөдө, кээде төмөн жүгүртүп,
Жашоо баркын билсин деген үчүнбү?

Гулмира Омошова. 2025. 26 май. Корея. Ичон.

Ыр куржун🌴

24 мая

ОТУ ӨЧКӨН ЖАШТЫКТЫН

Жүргөн кезде улгайып калдым го деп,
Капысынан жолугуп карап турдуң.
Байкамаксанга салып баратканда,
Салам айтып жылмайып колуң сундуң.

Мен да токтоп бурулуп башым ийкеп,
Көз жүгүрттүм акырын карааныңа.
Менден бир топ жаш кичүү экендигиң,
Көргөн кезде негедир аядым да.

Ооба аядым чынында жаштыгыңды,
Жаштык кездин алоосуна мастыгың бу.
Сезимиңдин тизгинин бура тартпай,
Алсыздыктан сүйүгө баш урууңбу.

Сүйүү жашка карабайт, карыга да,
Келе берет сезимдер карыганда.
-деген сөз бар, а бирок жашоо кыйын,
Сый- урматты түшүнүү баарынан да.

Аяп турдум айтуудан сөздү өктөм,
Небере кыз -уулума сүйүүм өткөн.
Жалындаган жаштыктын оту өчүп,
Сүйүлүүгө андагы кезд