Элинка Женишбековна

Последний визит: 15 янв

Фильтр

Заметки Увлечения

Элинка Женишбековна

20 фев 2021

Жайлоодогу көрүнүш.

Эртеңден эч кабарым жок курагым,
Эркелөөдөн башка билбес убагым.
Чуркап жүрүп чаңкаганда бир ууртап,
Алар элем тунук суусун булактын.

Таң агарып, жерге жарык киргенде,
Уй саап, айдап жардам берип энеме.
Отун алып,кайра түштө эс алып,
Окшошпогон күндөр эле дегеле.

Кээ күндөрү жөнөп айыл тарапка,
Кеч киргиче кайра тоого жетчүбүз.
Тоо шамалы беттерибиз аймалап,
Күз келгиче тоолук болуп кетчүбүз.

Бизди турмуш тарбиялап эртерек,
Бүт баарына чыдамкайлык үйрөттү.
Азыр барсам эс алганы жайлоого,
Ээлеп турат жылуу сезим жүрөктү.

Бул тоолордо калып кеткен издерим,
Азыр барып келе берет издегим.

Элина Жеңишбек.

Элинка Женишбековна

9 фев 2021

Турмуш...

Көрчү турмуш аңтардың асманымды,
Түшүнбөймүн не кылып жатканымды.
Акырындап алдыңа бара жатсам,
Аябастан кулата чаппадыңбы.

Өткүр элем курч элем моюбаган,
Анча мынча көздөрдөн оорубаган.
Сабырымды көп эле сынай бербе,
Алым келсе көзүңдү оюп алам.

Багытыма тикенек өсүп барат,
Бар тарабым жар сымал көчүп барат.
Башкаларга мынчалык сыноо бербе,
Багыт таппай бат эле өлүп алат.
Башкалардай мени да сүйөп өзүң,
Бешенемден сүйүп бир көрчү аяп.

Элина Жеңишбек.

Элинка Женишбековна

9 фев 2021

Эңсөө...

Кездешүүчү болсок эгер кайрадан,
Келер белең баштагыдай кубанып.
Көңүлүңдөн унуттурган жок бекен,
Көрүшпөгөн ортодогу убакыт.

Сумсайыңкы жүзүң азыр өзгөрүп,
Жүрөгүңө бирөө ээлик кылгандыр.
Жараланган жан дүйнөңдү дабалап,
Унуттурган чыгар мени жылдан жыл.

Мезгилдерге арта салып азабым,
Мен өзүмдү алаксытып үйрөндүм.
Сага дагы бакыт сунуп кубантсын,
Бар дүйнөңө ээлик кылган чүрөгүң.
Аалам төрдөн кокус мени көргөндө,
Бир зырп этип ала-ар бекен жүрөгүң.

Э. Жеңишбек.

Элинка Женишбековна

8 фев 2021

Оорубасын апакемдин жүрөгү.

Баарым апам, бак дөөлөтүм ырысым,
Бакыт сунуп жарык чачкан жылдызым.
Бардык күчүң бизге гана жумшадың,
Таманыңдан өпсө да аз, уул-кызың.

Тагдыр сунса ачуу даамын турмуштун,
Жалгыз гана өзүңүзгө сүйөнөм.
Сиз кымбатсыз бул жашоого эң керек,
Колумдагы алтын, бриллиант дүйнөдөн.

Сабырыңыз багынтчудай дүйнөнү,
Биз деп канча өттүңүз оор күндөрдү.
Жашоомдогу жалгыз гана тилегим,
Оорубасын апакемдин жүрөгү.

Оорубасын апакемдин жүрөгү.