იცხოვრე მგლურად თუ კაცი გქვია, არ დაიხიო უკან არასდროს, შიში გაგექცეს მედგარ გულიდან და სროლა მტერმა ვეღარ დაგასწროს... იყავ ერთგული სიყვარულისა და მეგობრობის მარად გამტანი, ლხინში ლაღი და ღიმილიანი ჭირში ჩუმი და ძლიერ ამტანი, იყავ ამაყი გქონდეს ღირსება- ძლიერთა მტერი, სუსტთა მფარველი, ზურგი არავის ეჰ არ აჩვენო, მაშინ დაგჭრიან როცა არ ელი. შენი გზა გქონდეს, შენი აზრები, დაგმე ვინც ძმების სისხლი დალია, არ დასთმო ფულზე თავისუფლება, არ აირჩიო ოქროს გალია, არ გატყდე თუნდაც სისხლი გდიოდეს და ღრუბლიანი გქონდეს ამინდი, იყავ მგლის მსგავსი მთვარის მეხოტბე და სევდიანი ღამის რაინდი...