Лариса Жумадылова

Последний визит: 4 сен 2023

Gif

Фильтр

Заметки Увлечения

Лариса Жумадылова

17 июн 2021

УЛУУ ТООЛОР

Ак мөңгүдөн калпак кийген кыр башы,
Мыйзам ченем бир ордунан жылбашы.
Жүн жоолуктай моюнуна оролгон,
Ак булуттар антка бекем сырдашы.

Күндү сунуп ар бир таңды атырган,
Кечте күтүп уясына батырган.
Олуяга окшош анын турпаты,
Оор басырык, сабырдуулук чакырган.

Улуу тоолор тарыхтардын күбөсү,
Урабасын таштарынын бирөөсү.
Кайдан? Качан? Кандай? болуп жаралган,
Билсе билээр Жараткандын бир
өзү...

Автор: Лариса Жумадылова "Поэзия Ордосу" көркөм-адабий коомдук бирикмесинин мүчөсү.

Лариса Жумадылова

27 мая 2021

ДЕН СООЛУК ӨЗҮ БАЙЛЫК

Өтөт күндөр таңдар атып кеч кирип,
Өкүнөбүз көп нерсени кеч билип.
Кемиген соң толбойт экен, ден соолук,
Кейимектен ыйласак да эчкирип.

Жап жаш бойдон жашоочудай улгайбай,
Жутунабыз бар байлыктан кур калбай.
Артка таштап ден соолукту кайтарбай,
Алдырабыз колубуздан жулгандай.

Анан кайра ден соолуктан бир кашык,
Ала албайбыз бар байлыкка алмашып.
Өчү бардай карап турат байлыгың,
Өлгөн атсаң ажал менен кармашып.

Кадырына ден соолуктун жеткенде,
Туура келет бул жашоодон кеткенге...

Автор: Лариса Жумадылова "Поэзия Ордосу" көркөм-адабий коомдук бирикмесинин мүчөсү.

Лариса Жумадылова

5 мар 2021

КАЙНЕНЕГЕ АРЗАНЫН...

Дем алыш күн базар ичи ызы-чуу,
Алуучудан көбөйүптүр сатуучу.
Кийим тандап жүрүп эле капыстан,
Күбө болдум окуяга кызыктуу.

Өлчөп көрүп турсам эле бир келин,
Апама деп арзан көйнөк сурады.
Сатуучу анда кымбатынан көрсөтүп:
- Апаң үчүн алчы деди мынааны..

Анда келин кабак чытып кайрылат:
- Апама эмес кайненеме аламын,
Шашып жүрөм, бериңизчи батыраак,
Кийимдердин арзанынын арзанын.

Орундатып сураганын кардардын,
Карбаластап таап берди арзанын.
Ойго батып тура берип селейип,
Байкабапмын келин кетип калганын.

Жап жаш болчу, көргөн элем жамалын,
Ошондуктан ойлободу бараалын.
Бир кезекте кийимдердин арзанын,
Келининен өзү кийип калаарын..

Ав: Лариса Жумадылова "Поэзия

Лариса Жумадылова

23 фев 2021

АПЕНДИ КАЙДА ДЕП ЖҮРСӨМ

Илгери мен кичинекей кезимде,
Жомокторду айтышканда кечинде,
Жооруктары жолдо калып күлдүргөн,
Апендинин бар экени эсимде.

Кайда кеткен ошол биздин апенди,
Куйкум сүйлөп таанытчу эле акеңди.
Азыр дагы уккум келди жооругун,
Арабызда аман жүрөт бекенби?..

Деп ойлонуп кейип башым чайкадым,
Жоруктарын окуюн деп жайкадым.
Таап чыгып "Апендинин жоругун",
Көз айнегим издеп таппай чарчадым...

Көрүп алып күлкүм келди өзүмө,
Көз айнегим тагылуу экен көзүмдө.
Апендини кайда кетти деп жүрсөм,
Жашайт тура анык менин төрүмдө.🤭😊

Ав: Лариса Жумадылова "Поэзия Ордосу" көркөм-адабий коомдук бирикмесинин мүчөсү.

Лариса Жумадылова

22 фев 2021

КҮҮГҮМДӨ КАЙТЫП КЕЛЭЭРСИҢ

Кызылга боёп, бүгүн да мына кеч кирди,
Бактылуу мүнөт дагы бир күнгө эскирди.
Эш тутуп жүрөм кызарып баткан күн көрсөм,
Эстетпей турган өзүңдөн башка эч кимди.

Сүйүүбүз биздин сезилген эле чексиздей,
Карматпай кетти, көрдүбү бизди эпсиздей,
Күн менен батып кетпесе биздин сүйүүбүз,
Коюндай шашып кай жакка кетти жеткизбей.

Кеч кирген сайын күүгүмдөн издейм элесиң,
Күн дагы күтөт булуттан өтөп желесин.
Күткүн деп айтып кеткениң жалган болбосо,
Күүгүмдө кетип, күүгүмдө кайтып келээрсиң...

Ав: Лариса Жумадылова."Поэзия Ордосу" көркөм-адабий коомдук бирикмесинин мүчөсү.