Галия Шамаева (Кашафеева)

Последний визит: 12 янв

Фильтр

Заметки Увлечения

24 дек

Нигез ташы...

Уйларымда үткәнемә кайтам!

Менә тагын җәйләр үтеп китте
Көз дә бетте, соңгы көннәре
Карлы яңгыр ява бертуктамый
Тәрәзәдә улый җилләре.

Күңел ташып китсә, уйлар ага
Хәтирәләр йөрәкне урый
Шигырь юлларына тезелешеп
Җаннарымнан чыгарга сорый.

Уйларымда үткәнемә кайтам
Нинди рәхәт иде заманы?!
Әле булса һаман төштә күрәм
Балачакта тарткан чананы.

Бит сезнең дә исегездә һаман
Күңеллерәк иде тормышлар
Мал-туар күп, мәж киләләр халык
Ачык иде кебек сулышлар.

Кыш җиткәч тә, мин бәләкәй чакта
Бозау керә иде йортларга
Сез дә беләсез бит, тик шулай да
Комачаулый иде йокларга.

Карават астында бит каз пысылдый
Картон тартмасында оясы
Гомерлеккә истә, шулкадәрле
Килә иде кочып сөясе.

Бар эшне дә уртак эшли идек
Өмә ясап йортлар салынган
Әткәй, әнкәй җылы нигезендә
Балачакның уты кабынган.

Ә сервантта тулы рәт-рәт булып
Әни чәшкеләре тезелгән
Үткәннәрдән сузган бу заманга
Туганлыкның җебе өзелгән.

Ишекләрне терәмичә китеп
Печән чаптык әти артыннан
Балаларны эшкә үрәтеп булмый
Телефонга җаны сатылган.

Бәрәңге бакчалары бәләкәйләнде
Заманасы шундый күрәсең
Җир әйләнә микән күчәрендә?
Килә минем шуны беләсем!

Уйларымда үткәнемә кайтып
Хәтирәләр суын эчердем
Йөрәгемдә истә калганнарын
Ак кәгазьгә бүген күчердем!

29.11.2023
Фәнүз Баттал.