Нурсулуу Калмурат кызы

Последний визит: 16 авг 2020

Фильтр

Заметки Увлечения

11 июн 2018

Түйүнгө түйүп, кирпикке илип койдум

Сезимге дем болчу жандан артык,
Көрбөсөм калар КҮН таңдан батып.
Кирпикке илип алып элесиңди,
Балдарыңды жетелейм ойлоп жатып.

Түйүнгө түйүп коюп күндүзгүсүн,
Түшүмдө көрөм ойдун чүйгүндүүсүн.
Таңда кеч андайың сезилбейт да,
Түштөрдө сен кандай сүйкүмдүүсүң.

Жазбастан саптарыма, ырларыма,
Жашатып кыялымды сырларыма.
Эркимди тушап да, байлап койдум,
Эх Эркем, сезбестен кыйнадың а...

Азыр сен ырларда эмес,сырларымда...
Түйүнгө түйүп, кирпикке илип койдум...

Нурсулуу Калмурат кызы

10 июн 2018

Бөлүнбөс жолдон бакыт табалыкчы

Абалымды айтуудан тартып моюн,
Карегиме байлап аны катып койдум.
Ал ким?-деп сураба өтүнөөрүм,
Кеткен жакшы байкабай өмүр соңун.

Эми биз сагынычка болуп даба,
Эстербиз, унутарбыз ойдо гана...
Белгисиз аралыкта ыйык сезим
Бүрдөсүн башкадан бакыт таба.

Бөлүнгөн жолдор уласа да аралыкты,
Бөлүнбөс жолдон бакыт табалыкчы...

Нурсулуу Калмурат кызы

2 янв 2018

КҮН ААЛАМДЫН БИР ЧЕКЕСИНЕН ЧЫГЫП, БИР ЧЕКЕСИНЕ БАТАТ. БИРОК, НЕГЕДИР МЕНИН ЖАНЫМАН ЧЫГЫП, МЕНИН ЖАНЫМДАН БАТКАНДАЙ...
Н.К.к

Нурсулуу Калмурат кызы

2 янв 2018

Эстесем айылымдын ыйык таңын,
Басылбайт көкүрөктө буулукканым.
Бакытка толтурчудай көңүлүмдү,
Кучактайм бийик тоонун булуттарын.

...Өзгөрттү мезгил мендик сагынычты,
Ойлорум каршы-терши кагылышты.
Тагдырдын буйруп койгон катасына,
Каалабайт жүрөк гана багынышты.

Жүрөктүн кылын чертип жазам ырды,
Ыр менен жеңип келем аза-муңду.
Өкүнүч толуп турган көз жаш менен,
Өчүрөм көкүрөктөн азабымды.

Ыр менен жеңип келем аза-муңду...

Нурсулуу Калмурат кызы