მე შენი სული შემიყვარდა სხეულზე მეტად,
შენი ხელების კოცნა კიდევ ყველაზე უფრო.
და სანამ გულით, ამ სიტყვების წარმოთქმას ვბედავ,
მოდი და შენში შემინახე, ჩუმად და მყუდროდ.
რომ ვერ გაიგოს ვერავინ და ვერც ერთმა რადგან,
შური ატყვია გახუნებულ გრძნობათა ჭილობს,
ვდგევარ ნატანჯი, შენი გულის შესასვლელ კართან,
და მთელი ძალით მე შენს სულში შემოსვლას ვცდილობ.
მე შენი სუნთქვა შემიყვარდა ჰაერზე ძლიერ,
შენმა თვალებმა ფრენა მასწავლა ზეცაზე მაღლა,
და თუ ვიქნები მე ოდესმე შენს გვერდით ხნიერ,
ვერ მომერევა შენი კოცნით, ოხვრა და დაღლა.
დრო ბოლოს ყველას სისუსტეებს ერთად მოგვკითხავს,
მსგავსად თითები, ატკიებულ სულზე შემახე,
უშენოდ ვგავარ გაფითრებულ ბოლო მოჰიკანს,
და ალბათ მკვდარი ვიქნებოდი, რომ არ მენახე.
მე ეგ თვ