dato lukava

Последний визит: 19 ноя 2021

Фильтр

Заметки Увлечения

dato lukava

14 сен 2013

დო. რე. მი. ფა.
სო. ლა. სი. დო.
დრო მიფრინავს,
სულს კი ლაფი
არ აჰკიდო,
მეგობარი
არასოდეს
არ გაყიდო,
სჯობს უფრსკრულში
უმალ თავით
დაე კი დო.
დო. რე. მი. ფა.
სო. ლა. სი. დო.
დრო მიფრინავს
ეშმაკს აღარ
გაეკიდო,
მხოლოდ უფალს,
ქრისტეს წმინდას,
სასოებით
ჩაეკიდო,
რწმნით უნდა
მოეკიდო,
მის ნაკვალევს
გაე კი დო.
დო. რე. მი. ფა.
სო. ლა. სი. დო.
არასოდეს
გაი ყი დო !!!

დ.ლ.

dato lukava

14 авг 2013

* * *
მე მინდა დავტოვო ეს დედამიწა და
ღრუბლებში შევცურო თრთოლვით,
მე მხოლოდ შენს გვერდით ცხოვრება მეწადა,
სული მეყინება თოვლით.

მე მინდა დავტოვო სამყარო ფლიდი და
საფლავებს ჩავუყვე მშვიდად,
მოღლილი ხელებით სიყვარულს ვთლიდი და
სანაცვლოდ სიყალბე მშლიდა.

მე ცივი მომაცვეს ტანთ ეკლის ბარდები,
ტკივილი ნეკნამდე მცრიდა,
ხელები ავწიე და უკვე ვბარდები,
გავდივარ დემონთა წრიდან.

წვიმდა უსაშველოდ და ღამის თევაში,
მიხმობდა ზღვის ტალღათა ურვა.
მინდოდა მეხილა მიწიერ ევაში,
მხოლოდ ზეციური ზრუნვა.

მე მინდა დავტოვო სამყარო ფლიდი და
საფლავებს ჩავუყვე მშვიდად.
მოღლილი ხელებით სიყვარულს ვთლიდი და
სანაცვლოდ სიყალბე მშლიდა.

დ.ლ.

dato lukava

10 авг 2013

* * *
საუკუნის ყოველ წუთს...
საუკუნის ყოველ წამს...
მე დავეძებ სიყვარულს
და ვპოულობ მხოლოდ შხამს.

მე დავეძებ ისევ მას,
თმა გიშრება გიჟმაჟ ქალს.
გადავყვები ღვინის სმას,
ღვთიურ თვალებს,ტუჩებს ლალს...

საუკუნის ყოველ წუთს,
ეზიდება წამი-წამს,
სხეულს ვარგებ მუხის ყუთს
და დავათრევ მიხრწნილ გვამს.

ავაყოლებ ფიქრს წარსულს,
შეუბილწავ ნაზ კდემას,
ველტვი მხოლოდ დასასრულს,
ვერ ვპოულობ რადგან მას.

საუკუნის ყოველ წუთს...
ყოველ წამს...
ყოველ ჟამს...
მე დავეძებ სიყვარულს
და ვპოულობ მუდამ შხამს...

დ.ლ.

dato lukava

10 мая 2013

*** *** ***
წვიმამ გადაიღო შემორჩა სურნელი,
ფოთის ლურჯ პალმებში სიო აილანდა,
ტორმეტ გზას მიყვება ბერი და მლოცველი,
წვინდა მოციქულთა სულებს ჩაერანდა.

და ისევ ცას ფლითავს გუმბათების ყელი,
გოლგოთა მოვლილი და მკვდრეთით აღმსდგარი,
დიდება!დიდება!ლიცლიცებს სანთელი,
შენდება!შენდება!ღვთისმშობლის ტაძარი!
დ.ლ.