Аз ин ҷаҳони бебақо хоҳи нахоҳи мерави, Аз байни хешу ақрабо хоҳи нахоҳи мерави. Суде надорад симу зар аз роҳи шайтон кун ҳазар, Шоҳзода боши ҳам агар хоҳи нахоҳи мерави. Мағрур мабош аз давлатат суде надорад савлатат, Рузе, ки ояд навбатат хоҳи нахоҳи мерави. Ҳаргиз набош кинагар дасти ятимонро бигир, Барнодили ё ин, ки пир хоҳи нахоҳи мерави. Дунёст чун дарё равон монанди он дарё дилон, Аз ин замин аз ин макон хоҳи нахоҳи мерави. Хайру саховат пеша кун, аз роҳи бад андеша кун, Неки бимонад ҷовидон, хоҳи нахоҳи мерави. Ин панди Мавлоно шунав, аз пушти ризқ ҳаргиз мадав, Бою бадавлат ё гадо, хоҳи нахоҳи мерави.