Beknazar Abdykasymov

#министр #курулуш #кыргызстан 📌Нурдан Орунтаев: Курулуш объектисиндеги мыйзам бузуулар боюнча толук чаралар көрүлөт Бүгүн, 17-январда Кыргыз Республикасынын Курулуш, архитектура жана турак жай-коммуналдык чарба министри Нурдан Орунтаев борбор калаадагы бир катар курулуш объектилерин текшерди. Текшерүү учурунда "Аалам Строй" ЖЧКсына таандык Анкара көчөсү 3а дарегиндеги турак жай комплексинин ондон ашык блогунун ар биринде бир катар курулуш мыйзамдары жана техникалык коопсуздук эржелери бузулгандыгы аныкталды. Ошондой эле, аталган компания объектинин курулуш этаптарын жеке лабораториялардан өткөргөндүгү белгилүү болду. Мындан сырткары курулуш объектисиндеги блоктордун мыйзамсыз үлүш ээлерине пайдаланууга берилгендиги аныкталды. Натыйжада, курулуш иштерин жүргүзгөн "Аалам Строй" ЖЧКсына карата комплекстин ондон ашык блогунун ар бири боюнча айып пулдар салынып, тиешелүү протоколдор түзүлдү. Салынган айып пулдардын жалпы суммасы 3млн сомду түздү. Ошондой эле, курулуш иштери токтотулуп, компаниянын лицензиясын токтотуу маселеси комиссиянын отурумунда каралат. Мындан сырткары, министр объектидеги курулуштун сапатын Курулушта сертификаттоонун республикалык борборунун лабораториясынан өткөрүү тапшырмасын берди. Ал эми лабораториянын жыйынтыгы боюнча өзүнчө чаралар көрүлөт. Текшерүүнүн жыйынтыгында министр Нурдан Орунтаев министрликке караштуу мекемелердин жооптуу кызматкерлерине катуу чаралар көрүлөрүн билдирди.

#карасуу #ипотека #дом Ош облусунун Кара-Суу районунун Кара-Суу шаарында 7600 батирлүү 105 көп кабаттуу мамлекеттик ипотекалык турак-жай курулат Кыргыз Республикасынын Президенти Садыр Жапаровдун демилгеси менен ишке ашырылып жаткан калкты ипотекалык турак-жай менен камсыздоо мамлекеттик прораммасынын алкагында Кара-Суу шаарында көп кабаттуу 105 турак-жайдын курулушун долборлоо жана куруу иштери башталды. Тактап айтканда, Кара-Суу шаарында ушул долбоорду ишке ашыруу максатында 47га жер тилкеси бөлүнүп, ал жерге 7600 батир, заманбап 320 койка-орундуу оорукана, 1500 орундуу орто мектеп, 500 орундуу бала бакча, соода борбору жана эс алуу паркын салуу долборлонгон. Бул ири социалдык долбоорду ишке ашыруунун алдында, 2026-жылдын 12-январында Кара-Суу шаарында жергиликтүү мамлекеттик администрация жетекчилиги тарабынан Президенттин Ош облусундагы ыйгарым укуктуу өкүлү А.Кенжебаевге жана Ош шаарынын мэри Ж.Токторбаевге долбоор боюнча атайын презентация өткөрүлдү. Бул аракеттер мамлекет жетекчилеринин жергиликтүү тургундардын турак-жайга болгон муктаждыктарын чечүүгө, жарандар үчүн ыңгайлуу жашоо шарттарды түзүүгө жана Кара-Суу шаарынын инфраструктурасын мындан ары жакшыртууга багытталган.

#рейд #минздрав ##кыргызстан Текшерүүнүн жыйынтыгында жана өлүм көрсөткүчүнүн жогору болушуна байланыштуу республикадагы эки Улуттук кардиологиялык кызматтын жетекчилери кызматтан бошотулду

#президент #ипотека

#стройка #дом #ош