Казна Муслимова( Сартаева)

50- лет совместной жизни !

Последний визит: вчера 14:35

Фильтр

Заметки Увлечения

17 авг

50- лет совместной жизни !
*******************************
Косакласып кол ысласып.
Узын яшав оьттик биз.
Йыл артыннан, йылды кувып.
50- йылга еттик биз.

Яшав деген сондай зат.
Эки якка боълинген.
Бар кыйынлык, бар тынышлык.
Яшав соъйтип берилген.

Кыйынлыклар сакланмай.
Ер астына коьмилген.
Тынышлык эм тил бирлик пен
Аьел соъйтип тузелген.

Бизден тувган балларымыз.
Ар бириси уьй болган.
Баллардан баллар тувып.
Куванышлар коьп болган.

Айлар кете, йыллар оьте.
Уныклар да асыл болып калганлар.
Балларымыз той тойлап.
Атай, тётей болганлар.
***********************************
Шуькур Аллах Алъхамдуллах
Соннан артык керекпе.
***********************************
18.08.

Казна Муслимова( Сартаева)

24 июл

Казна Муслимова( Сартаева)

Увылларым.
*****************************
Атайлардан калган соьз
Агасы бардынь,ягасы бар
Иниси бардынь, тынысы бар .

Агалы-инили татым болса
Минмеге ат коьп болар
Апсынлы -келин татым болса
Ашамага ас болар.

Шуькир деймен кудайыма
Увылларда ат та бар
Шуькир деймен кудайыма
Келинлерде ас та бар .

Мен сенемен увылларым
Татымлыкта яшар деп
Кыйын салып яшавда
Алал затты ашар деп.

Мен сенемен увылларым
Карындас бизде ялгыз деп
Куьшак яйып коршалап
Катынасты саклар деп.

Мен сенемен увылларым
Коьтерип коьрге салар деп
Заман келип,ажал етсе
Коьзим артта калмас деп.
****************************
2016 г. Казна Муслимова ( Сартаева ).

Казна Муслимова( Сартаева)

24 июн

Казна Муслимова( Сартаева)

***** Тилеймен ********
*************************
АЛЛАМ сага тилеймен.
Тилегимди эттагы.
Балларымнынь барине.
Насип сувын септагы.

Оьмирлерин узак этип.
Тил бирлигин эттагы.
Балларымнынь балларына.
Узак яшав бертагы.
Яшавларга сукланып.
Яшагандай эттагы.

Мен яшавды яшадым.
Коьреекти мен коьрдим.
Оьлер шагым келип калса.
Тыныш оьлим бертагы.
***************************
АЛЛАМ сага тилеймен.
Тилегимди эттагы .
*******************************
Казна Муслимова. (Сартаева )
19/07.2014г.

Казна Муслимова( Сартаева)

7 июл 2024

Умейте любить
Умейте прощать
Обиду не надо
На долго держать
Тогда всё у вас
Будет хорошо.
Дай Аллах вам счастья.

Казна Муслимова( Сартаева)

7 мая 2024

Казна Муслимова( Сартаева)

9-шы май келсе.
Сизди эске аламыз.
Сувретлерди колга алып.
Куьезленип каламыз.
Алламыздан тилеймиз.
Согыс давлар болмасын.
Сиз коьргендей кыйынлыклар.
Балларымыз коьрмесин.