رحیم Rahmoniyon

Последний визит: 20 янв

Фильтр

Заметки Увлечения

رحیم Rahmoniyon

6 авг

Тиллойи мойи тут му авасбози пир чуд,
Синговти подъвийоҷ му виғцеҷти жир чуд
Маълум насут ту маҷиз, цӯнд висятум цалӯд,
Чизард туят му дисга ми соҳилти гир чуд.
Ё вуд йичиз хато му ният ё ту фол фанд,
Ё ят байон му роз, пи местат пи хир чуд.
Тақдир аз хуши ху димоғанд сухта,
Қисмат вируд ху толи ху кал нав пи тир чуд.
Мунд ачга нист бовари, тиллойи мойи турд,
Тут цӯнд умедъга хъо му ҷинов тир чи бир чуд.
6.08.2025

رحیم Rahmoniyon

7 июл 2022

НОВАХТИ ЖИВҶАХ. Му башанд рафиқард
Аҷаб хахъ дарthи сар, новахти живҷахъ,
Қилапат пӯнд хъикар, новахти живҷахъ.
Ди ширини арангат ҷӯн, ширин,
Тилу шаҳдат шакар, новахти живҷахъ.
Рициthтов дузд пи дузд аз буц балаят,
Нисертов thар пи thар, новахти живҷахъ.
Ху пӯнд пейдов, ху пӯнд йет чид, ху пӯнд вид,
Рамеthат дар сафар, новахти живҷахъ.
Ақоб дастур йи мефъ лӯви ба бӯна,
Фирох ног сӯд ту пар, новахти живҷахъ.
Йу роҳат кайата орӯми каданд,
Ца шуthардат ца хъар, новахти живҷахъ.
Бағер лу шич му анҷен йо ку соти,
ТУ ҷӯн хахъ дар хатар, новахти живҷахъ.
Йидо живҷахъ, ху дирд чора-т илоҷ нист,
Ди най, орӯм мар, новахти живҷахъ.
Раҳим новахти живҷахъ лӯд ху дустард,
Хубаф ю дар ҳазар, новах

رحیم Rahmoniyon

13 мая 2022

Аз гулта на бӯят на нихъӯн рист,
Нағъҷист баҳор,
Йодъд мефъ ви қисмат пи хазӯн рист,
Умранд ви шиор.
Динё йичи дилти то нурец вирд нафирипч,
Мак қин ху ачаф,
Чай мот ту миёнта нозийӯн рист,
Варфъам қарор!!!
13 май 2022 Харағ

رحیم Rahmoniyon

25 апр 2022

25 апрел-Ризинен мефъ
Маш ризинен ху доден обруй,
Аз қадимафъ вадху то охир рисен.
Маш ризинен ба номусат ас азал,
Дадъта қадри аз ху авлода ҳисен.
Маш ризиненанд бадахъшӯни ҷигар,
Дадъ ху додат нанта пуц дастур чисен

رحیم Rahmoniyon

20 июл 2021

Айди Қурбон, ху қаҳрат ху алам қурбӯнам,
Айди Қурбон, ху ранҷат ху ситам қурбӯнам.
Айди Қурбон ху фукаth гандагиям қурбонӣ,
Хуб башанд фурсат йаthч, мам субҳадам қурбӯнам.
Айди Қурбон тилабам фукафthaрд хушбахти,
Чинд цавид дусикаthик қини ви ғам қурбӯнам.
Файзи беохири Мавлои Замӯн маш бахъ вид,
Йик ди ҷат ҷӯн та маш пис ви қадам қубӯнам.
Айд муборак.