Abdunabi odinaev

Последний визит: 2 янв

Фильтр

Заметки Увлечения

Abdunabi odinaev

8 сен 2023

Эй падар баъди вафотат зиндагӣ дилгир шуд,
Қомати болои ман низ дар ҷавони пир шуд.
Дарду андӯҳ гашта пайдо он замон дар хонаям,
Хонаи нурбори ман торику бас дилгир шуд.
Вақти беморӣ нишастам, ман ба болои сарат,
Бо вуҷуди дардҳое, ки буданд дар бистарат.
Дида ашкҳои равони чашми ман ҷоно падар,
Бар сухан оғоз кардӣ, гарчи ларзид пайкарат:
"Хуб медонам, ки баҳрат зиндагӣ охир чи кард,
Дарду андӯҳу маломатро биовард бар сарат.
Лек дар роҳи ҳаёт, гарчанд зани мардона бош,
Дар набарди зиндагонӣ оқилу фарзона бош...."
Эй падарҷон пандҳоят доруи ҷони ман аст,
Дар набарди зиндагонӣ шамъи рахшони ман аст.
Руҳи покат, эй азизам ҳаст болои сарам,
Соябону ахтаре дар зиндагонии ман аст

Abdunabi odinaev

8 сен 2023

Эй азизон нола дорам ман падар гум кардаам,
Қуввати зӯри тану нури басар гумкардаам.
Буд офтоби саҳар болои бомам нурпош,
Офтоби зиндагӣ болои сар гумкардаам.
Кӯр агар дар шаб кунад гум роҳи рафти
хонаро,
Ман раҳи рафти худамро дар саҳар гум
кардаам.
Пуштбону муттако ӯ буд ба ҳар корам Худо,
Тинҷиву осудаги ман бехабар гумкардаам.
Ҳар куҷо азми сафар кардам нагаштам зуд
ман,
Бе дуои хайри ӯ роҳи сафар гумкардаам.
Чун падар буд дар сарам хешон ҳама гуфтанд
биё,
Кафши худро баъди ӯ дар пушти дар
гумкардаам.
Бо падар будам маро болои боло ҷой буд,
Баъди маргаш пеши по, бологузар гумкардаам.
Давлати ман,шӯҳрати ман,он падарҷонам
куҷост,
Дар сари ин бесарам ман тоҷи сар
гумк

Abdunabi odinaev

22 мар 2023

Моҳи зикру моҳи тасбиҳу салот,
Моҳи хайру моҳи шодию нишот,
Моҳи аз кирдори нопокон наҷот,
Эй Рамазон, марҳабо хуш омадӣ.

Қалби мо аз файзи ту пурнур шуд,
Чашми ҳақ бинову ботил кур шуд,
Ақлу ҳуш, з-андешаи бад дур шуд,
Эй Рамазон, марҳабо хуш омадӣ.

Дар масоҷид саф ба саф истодаем,
Аз майи ишқаш чу масти бодаем,
Ҳамдгӯён сар фуруд овардаем.
Эй Рамазон, марҳабо хуш омадӣ.

Моҳи Қуръон, моҳи ёде аз Расул,
Моҳи ҳар як каф дуо гаштан қабул,
Моҳи имконоти бар ҷаннат духул,
Эй Рамазон, марҳабо хуш омадӣ.

Халқи тоҷик тоҷ бар сар мекунад,
Боз ҳам худро мунаввар мекунад,
Аз қудумат файз аз бар мекунад,
Эй рамазон, марҳабо хуш омадӣ!