КӮҲЗОД ФАТҲУЛЛО

Последний визит: вчера 20:58

Фильтр

ДАР 80 СОЛАГИИ ПАДАР

Рӯзи зодрӯзи падарам номаълум аст, аммо бо омадани соли 2024 ба синни мубораки 80 расиданд. Дирӯз гуфтам: - Додо, рӯзи таваллуди шумо чаро маълум нест? Гуфтанд: - Бечем, бибиат гуфта буданд, ки Фатҳулло вақти гули себ таваллуд шуда буд. Вале ман гули себро интизор намешавам ва падари бузургворамро, ки моро бо нони ҳалоли чӯпонӣ бузург кардаанд бо як чанд рубоӣ таҳният мегӯям.

***
Боло зи ҳама хазинаи ганҷ, туӣ,
Доноиву як пири сухансанҷ, туӣ.
То мо ҳама бар қуллаи мақсуд расем,
Як раҳбаладу кашандаи ранҷ, туӣ.

***
Дар синаи ман мудом меҳри падар аст,
Равшан зи чароғи рӯш даргоҳу дар аст.
Дастони дуо-ш аз бало гардонад,
Ҳар гоҳ ки ҷони

КӮҲЗОД ФАТҲУЛЛО

8 янв

КӮҲЗОД ФАТҲУЛЛО

ЧАРО НЕ?

Ту гуфтӣ дӯстам дорӣ? Чаро не?
Зи ғайри ман ту безорӣ? Чаро не?

Ба ёди рӯи моҳам то саҳаргаҳ
Ҳама шабҳо ту бедорӣ? Чаро не?

Ба ғайр аз занги ман занги нигоре
Ту коре кун набардорӣ! Чаро не?

Миёни духтарони рӯи олам
Киро ёрӣ? Маро ёрӣ? Чаро не?

Китобатро чу ганҷе шоири ман,
Бароям ҳадя меорӣ? Чаро не?

Ту бо нури муҳаббат ҷовидона
Нурафшон бар дили торӣ? Чаро не?

Ҳамин кофист, посух рост бошад:
Ту бе ман дар ҷаҳон хорӣ? Чаро не?

Ба рӯйи каффи дигар дилрабое
Дили худро набиспорӣ! Чаро не?

Миёни раҳ ту дар ишқу муҳаббат
Маро танҳо набигзорӣ! Чаро не?

18.12.2017.