Yaşar QAFQAZLI

Последний визит: 14 янв

Фильтр

BAĞIŞLA!

Elə baxma, yad olmuşuq daha biz,
Sənsizliklə göz-gözəyəm, bağışla!...
Duyğularım xilaf çıxır ağlıma,
Vicdanımla üz-üzəyəm bağışla!

Bu ən dərin yarasıdı sevdanın,
Parçasıdı-parasıdı sevdanın...
Çəkdiyimiz "qara"sıdı sevdanın,
Kölgəsilə diz-dizəyəm, bağışla!

Bu "günah"dan get təmizlən, get arın,
Elə bil ki, nə sevginəm, nə yarın.
Taleyinə yön vermisən Yaşarın,
Qismətilə iz-izəyəm, bağışla!...

Yaşar QAFQAZLI
Dorsten (Almaniya)
02.01.2026

Yaşar QAFQAZLI

5 янв

KAŞ...

Həsrətmi soyutdu, qışmı, bilmirəm?...
Ürəyin de ətmi, daşmı, bilmirəm.
Nifrətin kotanmı-xışmı, bilmirəm,
Çəkilib sinəmi şum edəydi kaş.

Qocaman eşqimin sayrışır dəni,
Mən səni sevdiyim deyil ki, yeni.
Saraydı sevgimin alovu səni,
İsidib qəlbini, mum edəydi kaş...

Sənsən həsrətini çəkib, öldüyüm,
Dolanda, gözünün yaşın sildiyim.
Görən gözlərimə işıq bildiyim-
Görməyən gözümə qum edəydi kaş!...

Yaşar QAFQAZLI
Dorsten (Almaniya)
05.01.2026

На этом пока всё

Войдите в ОК, чтобы посмотреть всю ленту