ისე ვარ ახლა, შუაღამეც დილა მგონია,
ისე ვარ, თითქოს დაბადება აწი იწყება.
ყველა მოკითხვას შეხვედრასთან ერთად წონიან,
დღეს ყველაფერზე ძვირად ფასობს გადავიწყება...ისე ვარ ახლა, სიბერესაც შევეჯიბრები...
ზღვამ გამორიყა ქალაქები-ლოტის შვილები...
ვით ნაზარეველს კვირინელი ისე მჭირდები...
შენი მდუმარე საუბრით და გამოცდილებით...ჩემში ყოფილა აქამომდე რასაც ვეძებდი,
და არ მადარდებს ჩემს გარშემო რასაც შვებიან...
რომ არ მიყვარდე, ახლა მაინც შეგიყვარებდი...
ისე ვარ ახლა, ყველაფერი დასაშვებია...