Татьяна Николаева

Последний визит: вчера 19:25

Gif

Фильтр

Заметки Увлечения

Татьяна Николаева

8 ноя 2024

Ман умра ҫап ҫутӑ Турӑш,
Аллӑмра ҫунать ҫурта.
Турӑҫӑм, ыйтатӑп, пулӑш,
Хӑварсамччӗ ҫумӑнта.
Пуҫӑмра ҫӗр тӗрлӗ шухӑш,
Пӑтратаҫҫӗ кӑмӑла.
Пӗрисем хӑюллӑ, шухӑ,
Мӗскӗн теприсем ытла.
Ҫылӑха, тен, эп кӗретӗп
Шухӑш ҫӑмхине сӳтсе.
Куҫҫӳльпе хӑш чух йӗретӗп
Чунӑм килнипе кӳтсе.
Ҫирӗп аллӑмрах, пӗлетӗп,
Шухӑшсен арчин уҫҫи.
Хупӑ чух ун хуҫи- эпӗ,
Ирӗке ярсан - тарҫи.

Татьяна Николаева

10 окт 2023

Ылтӑн- кӗмӗлтен эп пуян мар,
Килӗм- ҫуртӑм чаплӑ кермен мар,
Сӑн- питрен те хӳхӗм пике мар,
Кӗлеткем те ӑмсанмаллах мар.
Ку вӑл кулянмашкӑн сӑлтав мар,
Куншӑн шеллеме те кирлӗ мар,
Тӗнчене килни - хӑй ахаль мар,
Хам ӗмӗте уҫма эп хирӗҫ мар.

Йӑх- несӗлсен пӗлтерӗшне асра тытар,
Вӗсем пилленӗ телее шырар, тупар.
Атте-аннемӗре чыслар, мухтар,
Вӗсем пур чух ҫунатлине туяр.
Юратнӑ мӑшӑр пултӑр юнашар,
Малашлӑха пӗр куҫпала пӑхар,
Ачасене телейлӗ ҫул уҫар,
Вӗсенченех курасчӗ пархатар.

Тӑвансемпе ялан пӗрле пулар,
Хуйха- суйха, савӑнӑҫа пайлар.
Туссем пуррипеле мӑнаҫланар,
Час- час курса чунпа пуянланар.
Сӗтел ҫинчен ан татӑлтӑр ҫӑкӑр- тӑвар,
Кил- ҫуртӑмра ан сӳнтӗр пӗр чӗртнӗ кӑвар,
Иртен- ҫӳре

Татьяна Николаева

10 окт 2023

Ан васка, аннеҫӗм, уйрӑлма манран,
Эп вӗренеймен-ха пурӑнма санран.
Ӑнланатӑп, йывӑр ҫӗнтерме чире,
Пӗлсемччӗ, аннеҫӗм, кирлӗ эс пире.

Ҫав тери асаплӑ иртеҫ кунусем,
Хускалмасӑр хытнӑ аллу- урусем.
Пурпӗрех шанатӑп эс сываласса,
Кунсерен кӗтетӗп тӑрса утасса.

Темчченех ларатӑп шухӑша кайса,
Турра тархаслатӑп куҫҫуле шӑлса.
" Ҫӑмӑллӑх парсамччӗ, ҫӑлсам аннене,
Татса сирсе ярччӗ чир серепине."

Хам сана сӑнатӑп, эс те кӗл тӑван,
Тем пӑшӑлтататӑн, шав хӗрес хуран.
Сӑмахна тӑнлатӑп, йывӑр итлеме,
Турӑран ыйтатӑн хӑй ҫумне илме.

Турӑҫӑм илтсемччӗ манӑн сӑмаха,
Йӑлӑнап, тӑссамччӗ кӑшт ачалӑха.
Ан васка, аннеҫӗм, уйрӑлма манран,
Эп вӗренеймен- ха пурӑнма санран...