Гюлханум Мамедова

Последний визит: 07:20

01:22

Фильтр

. DÜŞÜNCƏLƏR
Bir eşqın qurbanıyam,
bir qəlbin qəm-ah səsi,
Qismətimin sanıyam* -
ayrılıqdı töhvəsi.
Axşam döndü səhərə
yolları gözlər oldum,
Ağlamadım boş yerə,
Dərdimlə qoşa qaldım.
*
Dünya öz gərdişində
Nə gətirir gələn gün?
Hərə əli işində
Arzuları toy-düyün.
Hamı rahat yaşamaq
Hamı dinclik istəyir.
Kimsə kimə oxşamaq,
Kimsə gənclik istəyir.
*
Düşündüm hey, daşındım –
Hamının sonu birdi.
Kimlər necə yaşadı,
Hamı ömrə əsirdi.
Ölçüsü, çəkisi dar,
Hər ömrün qədəri var.
Deyən-güləni olar,
Gəlişin gedəri var...
Gülxanım Rzazadə
*sanıyam - qismət verən qədərəm (kimiyəm)

Гюлханум Мамедова

23 янв

. Salam dostlar, hər vaxtiniz xeyir olsun.
Mənim FB səhifəmi bağlayıblar, ha çalışırıq açmırlar, çox təssüf edirəm((((

Гюлханум Мамедова

12 янв

. * * *
Qar yağır.., üşüdür qəlbimi qışı,
Qürbətin saxtası, qarı gözəldir.
Mənim ürəyimdə həsrət yağışı
Kədərdi nəğməsi-zarı, gözəldir...
Bir az gün çıxanda azaldar qəmi,
Bir an könül rahat olmaq qəsdində.
Hərdən də quruyar gözümün nəmi –
Bir bəstə deyərəm segah üstündə.
Çağırram o xoşbəxt uzaq günləri,
Xatirə varaqlar olmuş çağları.
Qürbətin şaxtası, sazaq günləri
Əvəz etməz mənə güllü bağları...
Mən vətən sevəndim, eli sevəndim,
Nədən qismətimə yazıldı qürbət?
Azəri qızı tək bəxtə güvəndim –
Bəxt də taleyimə gətirdi həsrət...
Gülxanım Rzazadə

Гюлханум Мамедова

29 дек

. RƏQƏMLƏR (tel.nömrəsi)
Əzbərdi dilimdə cansız rəqəmlər,
Gah yada salıram, gah gizləyirəm.
İncitsə də məni acılar, qəmlər –
Ruhumda deyəsən yol gözələyirəm...
Ruhumda deyəsən yol gözələyirəm –
Çağırsa, səsinə səs verərəmmi?
O xoşbəxt anları əzizləyirəm –
Yaddaşda cücərdib gül dərərəmmi?
Yaddaşda cücərdib gül dərərəmmi,
Bənövşə olacaq boynu bükülü.
Xatirə boğçamı heç sərərəmmi,
Hər küncdə adı var, başa çəkilir.
Hər cümlə adıyla qoşa çəkilir –
İlıqdı nəfəsi hələ bir eşqin.
Ümid bağçasında güllər əklir,
Solmayıb həvəsi hələ kür eşqin.
Solmayıb həvəsi hələ kür eşqin –
Rəqəmlər şahiddi, cansız rəqəmlər.
Çırpdı divarlara o bu gur eşqi,
Yadda qalıb ancaq şanssız – rəqəmlər...

Гюлханум Мамедова

25 дек

. DÜŞÜNCƏLƏR
Dünya budur.., ağartdıqca yolunu
Ömür gedir, gün əriyir, il axır.
Üzü göyə qaldıranda qolunu
Görəcəksən göy də yerə sərt baxır.
Görəcəksən göy də yerə sərt baxır –
İnsan özü düşmən olub özünə.
Bu gün deyər, sabah danar, ay fağır
Nədən durub asi oldun sözünə?
Nədən durub asi oldun sözünə? –
Söz ki, sənin həm düşmən, həm silahın.
Doğru desən sözü düzü-düzünə
Şəksiz olar hər axşamın, sabahın.
Şəksiz olar hər axşamın, sabahın,
Alnı açıq baxarsan yer üzünə.
Tut yolunu hər an uca Allahın
Şəfqət yağsın ocağına, közünə.
Şəfqət yağsın ocağına, közünə,
Acılardan, kədərlərdən uzaq ol.
Qulaq as vicdanın doğru səsinə
Doğru yola yönəl, haqqa dayaq ol.
Doğru yola yönəl, haqqa dayaq ol

На этом пока всё

Войдите в ОК, чтобы посмотреть всю ленту