Римма Нагимова

Последний визит: 09:19

Фильтр

Заметки Увлечения

Римма Нагимова

вчера 21:21

Шундый бул!
Тормыш дәрьясында йөзәргә
Судагы балыктай бул!
Иң биек үрләргә менәргә
Бөркет канатлы да бул!
Бизим дисәң серле җиһанны
Пумалалы рәссам бул!
Матур җырлар тудырыр өчен
Илһам тулы шагыйрь бул!
Яшим дисәң син гади генә,
Кешелегең чиксез булсын.
Күрсәтер өчен кемлегеңне,
Эш үрнәгең матур булсын.
28.01.2026
Римма

Римма Нагимова

27 янв

Тукта, җил
Исмә, җил, тукта әле,
Тибрәтмә тал-тирәкне.
Ялгыш тигәләп алып,
Җилкендермә йөрәкне.
Тынып калган яфракны
Уятма вакытсыз, син.
Ирек бирче тыңларга
Сандугач моңын, хисен.
Исмә, җил, тукта әле,
Кузгатма тын елганы.
Алгысытма күңелне,-
Безгә җитәр булганы.
27.01.2026
Римма

Римма Нагимова

26 янв

Чәк-чәккә мәдхия
Табын күрке уңган чәк-чәк,
Сиңа багышлыймын мәдхия.
Кем генә татыса чак-чак,
Авызда эри, тәмле,-дия.
Татарымның милли ризыгы-
Синең урын туйларда һәрчак.
Син нык ябышуның кызыгы:
Яшь парлар бәхетле булачак.
Оста куллар пешерсә генә,
Күпереп уңа, бәхетләр теләп.
Килгән кунаклар да сөенә,
Сыйласалар, чәк-чәк белән чәйләп.
Чәк-чәк барыр киләчәккә
Теләп, тик изге гамәлләр.
Дан җырлыймын мин чәк-чәккә
Җитсен лә дип, яхшы мәлләр.
26.01.2026
Римма

Римма Нагимова

25 янв

Ярат табигатьне
Табигать-чиксез могҗиза:
Кайда тау, кайда упкын.
Сахрада ком бураны шул,
Диңгездә шаулый дулкын.
Шарлавык иркәли сине,
Таулар арасына керсәң.
Күзләр камашып куя,
Салават күперен күрсәң.
Үпкәләр киңәеп китә,
Нарат урманында йөрсәң.
Барысын татый аласың,
Авылда гомер сөрсәң.
25.01.2026
Римма

Римма Нагимова

24 янв

Күңелгә килгән җыр
Күңелгә моңлы җыр керде-
Көне буе мин кабатлыйм.
Чакыра иркен сахрага-
Ирексездән шуңа атлыйм.
Әллә ничә көйгә салдым-
Әйтерсең үзем көй язучы.
Янда берәү булмаса да,
Җыр иде янымда баручы.
Шул җыр искә төшерде
Үткәндәге вакыйганы.
Күз алдымнан үткәрде
Шаулап ук аккан елганы.
Агып китте кәгазь көймәм,
Яр читендә ялгыз калдым.
Сахра, елгалары белән
Бераз тирән уйга талдым.
24.01.2026
Римма

Римма Нагимова

23 янв

Ышанамын әле
Үз-үземә ышанган күк,
Ышана алам мин бу язмышка.
Мине аңлар дусларым күп,
Таяныр ноктам бар бу тормышта.
Ышанычымны акларга
Дип үстердем балаларымны..
Кыен чакларда якларга
Ышанычлы үз ярым янда.
Бүгенгедән дә бәхетле
Еллар килүгә ышанам.
Биргәнеңә мин рәхмәтле-
Шуңа көн дә куанам.
Өметләнәм матур көннәргә,
Дәрт өстим изге эшләргә.
Сөенәм лә айлы төннәргә,
Нурлар алам йолдызлардан.
23.01.2026
Римма

На этом пока всё

Войдите в ОК, чтобы посмотреть всю ленту