Cария Мирзаянова

Последний визит: 29 мая 2025

Gif

Фильтр

Заметки Увлечения

Cария Мирзаянова

4 сен 2022

Ялгышыммы,
Язмышыммы икән,
Аерылды инде сукмаклар.
Күңелемдә,
Бары күңелемдә,
Сиңа атап язган такмаклар.

Күнелләрне айкый,
Диңгезләрне чайкый,
Моңнарына хисләр урала...
Сагышларга сала,
Бармы соң бер дәва,
Үткәннәргә кайтып урарга .

Язмышыммы,
Ялгышыммы икән,
Аерылган хисләр ташкыны.
Ә күңелдә һаман ,
Өмет күләгәсе,
Килерсең күк, кабат ашкынып.
@сариямир

Cария Мирзаянова

1 апр 2022

Күңел нигә һаман язны көтә ,
Юкса язлар бик күп үтелгән. Телгәләнгән йөрәк, язгы хистән,
Өметләрем инде кителгән.
Язлар инде юкса үтелгән.
Күңел кылы бераз кителгән...
Кабат язны көтә хыянәтче күңел,
Хисләр дулкынына түзәрлек лә түгел...
Агачларга карыйм,
Бөре кабат бүртә.
Кошлар парлашалар,
Сайрашалар күктә.
Гөрләвекләр ага,
Чылтыр- чылтыр килеп,
Яшьләр шаярыша,
Чырык- чырык көлеп...
Тормыш дәвам итә,
исә язгы җилләр .
Хисләр дулкынында,
йөзегез, йөз, диләр.
Кабатлансын язлар,
хисләр кабатлансын.
Тормыш дәвам итсен,
тыныч таңнар атсын.
#сариямир

Cария Мирзаянова

2 ноя 2021

Киләчәкне булмый күзаллап,
Каплаганмы әллә куе томан.
Томан арасыннан нәзек кенә,
Серле нурлар сузылган сыман.

Катлауланды тормыш, киләчәкне
Күзалларга торам калтырап.
Җансыз өйләр, буш урамга карап,
Өйдән чыкмый торам аптырап.

Көе китте әле яшәешнең,
Курку илдә итә хакимлек.
Бер- береннән курка дус- туганнар...
Арта бара илдә ятимлек .

Сугыш бара, тавыш- тынсыз гына,
Газиз җаннар чирдән кырыла.
Чарасыздан сүзсез генә елыйм...
Коръәнемне алам кырыма.

Томан аша ятлыйм догаларны,
Аллаһыма көн дә ялварам.
Ярлыкачы безнең гөнаһларны...
Кояш чыксын иде яңадан.
@сариямир

На этом пока всё

Войдите в ОК, чтобы посмотреть всю ленту