Гульшат Мухтарова (Камалова)

Последний визит: вчера 20:29

Фильтр

Заметки Увлечения

вчера 20:21

Гульшат Мухтарова (Камалова)

Алып киттең

Син киттең дә – бетте бар шатлыгым,
Синең белән китте бәхетем.
Яннарыңда баскан урыным да
Булган икән нурлы тәхетем.

Син китүгә сүнде күктә аем,
Китүеңә – сүнде кояшым.
Миңа карап бары елмаюың
Булган икән минем бар ашым.

Син китүгә бетте дөнья яме,
Күкләремне болыт каплады.
Мәңге юып агартмаслык итеп,
Күңелемне кайгы таплады.

Син киттең дә, алдың үзең белән
Икебезгә тигән бәхетне.
Инде мәңге була алмам башка,
Булган кебек бергә бәхетле.

Син киттең дә – сүнде хыялларым,
Яшәүемнең соңгы кызыгы.
Алда күрәм бары гомеремнең
Сиңа таба киткән сызыгын.

Син киттең дә, кабат кайтты кошлар,
Сайрауларын гына ишетмим.
Йөрәгемне баскан моң-сагышлар,
Сиңа шуны көйлим, ишет, мин.

Гульшат Мухтарова (Камалова)

15 янв

Гульшат Мухтарова (Камалова)

Без үскәндә Гөлшат Мөхтәрова
Авылым, синең саф чишмә суыңның
Тиңнәр таба алмыйм тәменә.
Искә төшерсәм дә татлылыгын,
Көч керәдер сыман тәнемә.
Шул чишмәнең сукмаклары буйлап
Бүгенгедәй әле, узганнар.
Яр буеның матур чәчәкләре
Бил тиңентен башын сузганнар.
Күзем йомсам, имеш, шул сукмактан
Чәчәкләргә, гүя, таң калып,
Алып кайтам сыман чишмә суы,
Чиләкләрем куя чайкалып.
Без үскәндә инеш зур су булып,
Коендыра иде казларны.
Түземсезлек белән көтә идек
Ташу күрер өчен, язларны.
Кайтсаң иде бозлар аккан чакка,
Шул чирәмле елга ярына.
Кояш киптерергә элгермәгән,
Сагындыра җирнең пары да.

На этом пока всё

Войдите в ОК, чтобы посмотреть всю ленту