Коласаўскі тэатр

Шаноўныя гледачы! 27 студзеня (аўторак), 19:00, па прычыне хваробы артысткі, замест аб'яўленага раней спектакля «Асенні rock'n'roll», на камернай сцэне адбудзецца паказ метафізічнага трылера «Я ВОЛЬНЫ!» паводле рамана Амелі Натомб «Касметыка ворага». Усе квіткі - сапраўдныя. Адміністрацыя тэатра прыносіць прабачэнні за створаныя нязручнасці. Па ўсіх пытаннях можна звяртацца да адміністратараў (тэлефоны 62-63-84, 62-63-96) або ў касу тэатра (тэлефон 62-63-81).

Віншуем з днём нараджэння майстра рэквізітарскага ўчастка МІНАЕВУ КСЕНІЮ ВІКТАРАЎНУ і зычым здароўя ёй і яе блізкім, штодзённага аптымізму, поспехаў у працы, добрых стасункаў з калегамі і сябрамі, бадзёрага настрою!

Віншуем з днём нараджэння артыста драмы, вядучага майстра сцэны, заслужанага артыста Рэспублікі Беларусь, уладальніка медаля Францыска Скарыны ЛОЙКУ ГЕОРГІЯ МІКАЛАЕВІЧА! Георгій Мікалаевіч працуе ў тэатры імя Якуба Коласа з 1 снежня 1983 года пасля заканчэння Беларускага дзяржаўнага тэатральна-мастацкага інстытута. Стварыў вялікі шэраг яскравых, запамінальных вобразаў. Сярод роляў, сыграных у апошнія сезоны, асабліва вылучаюцца: Даменіка Сарыяна («Шлюб па-італьянску» па п’есе Э.дэ Філіпа «Філумена Мартурана»), бацька Олівера («Гісторыя кахання» паводле аднайменнай аповесці Э.Сігала), Кругель («Вытанчаны падман» па п'есе М.Гогаля «Гульцы»), Станцыйны наглядчык («Дзеці. Вёрсты» А.Казюханава паводле творчасці Якуба Коласа), Студзень («Дванаццаць месяцаў» А.Замкоўскага паводле творчасці С.Маршака), Курбатаў («Выбар» А.Дударава), Беральд, спадар дэ Бонфуа, Рэктар («Нібыта хворы» Ж.-Б.Мальера), Дурамар («Залаты ключык» А.Талстога), Першы акцёр («Гамлет» У.Шэкспіра), Апавядальнік («Парашутыст» паводле аднайменнай аповесці А.Селіна), Галоўны выканаўца («Беласнежка і сем гномаў» паводле казкі братоў Грым «Беласнежка»), Маёр («Дамы і гусары» А.Фрэдры), Муж Сяброўкі Нявесты («Вяселле-буф» па п'есе Б.Брэхта «Мяшчанскае вяселле»), Танасія («Нечаканая радня» па п'есе Б.Нушыча «Засмучаная радня») Жадаем Георгію Мікалаевічу моцнага здароўя, далейшых творчых поспехаў, новых яскравых роляў, сямейнага дабрабыту, аптымізму!

30 студзеня, 19:00, запрашаем на гастролі Беларускага дзяржаўнага акадэмічнага музычнага тэатра. Мінскія артысты пакажуць вадэвіль «L'AMOUR, L'AMOUR – ЛЮБОВЬ, ЛЮБОВЬ» па лібрэта А.Курбскага. Любоўны трохкутнік - адвечная тэма, і няважна ў якой краіне адбываецца вечная гісторыя кахання і здрады. Героі трапляюць у чараду нечаканыя, неадназначныя сітуацыі з неардынарнымі выхадамі са становішча. Але фінал усё роўна будзе непрадказальны, а пераможцай заўсёды застаецца жанчына. Працягласць спектакля - 2 гадзіны. Узроставае абмежаванне - 18+. Спектакль ідзе на рускай мове. Квіткі можна набыць анлайн. І таксама - у касе тэатра. Тэлефон (+375 212) 62-63-81. Рэжым працы касы: панядзелак-нядзеля - з 9:30 да 19:30, перапынкі на абед - 12:00-12:30, 15:30-16:00. Каса працуе без выходных.

28 студзеня (19:00) актрыса Коласаўскага тэатра Валянціна Багданава запрашае ўсіх гледачоў на свой юбілейны бенефіс! Яна выйдзе на сцэну ў ролі Бабулі ў трагікамедыі «ПАХАВАЙЦЕ МЯНЕ ЗА ПЛІНТУСАМ» паводле аднайменнай аповесці П.Санаева. Пасля спектакля адбудзецца віншаванне актрысы. Валянціна Антонаўна служыць на коласаўскай сцэне больш за 50 год. За гэты час яна стала сапраўды народнай артыстка, якую ведаюць і паважаюць, якую любяць і імкнуцца трапіць на яе спектаклі, якой шчыра вераць. І яна сама шчыра выказваецца пра сваё адданае жыццё ў тэатры. «Я заўважыла, што, калі я рэпетую і ў мяне ёсць спектаклі, - я зусім іншы чалавек, зусім іначай жыву. А калі трэба проста зайсці паглядзець расклад - акцёр згасае». «Адна справа - наш гарадскі глядач. Але калі аб'ездзіў усю рэспубліку ўздоўж і ўпоперак!.. Калі да цябе там, у глыбінцы, падыходзяць, каб сказаць дзякуй, і я бачу вочы гэтых людзей... Сэрца абрываецца. І разумееш, што дзеля такіх хвілін варта жыць». «Як склалася мая акцёрская кар'ера? Напэўна, крыху не так, як мне марылася... Але я зразумела, што «быць зоркай» - не самае галоўнае ў жыцці. Ёсць мой тэатр, якому я хачу быць карысная». Квіткі на бенефіс Валянціны Багданавай можна набыць анлайн. І ў касе тэатра. Тэлефон (+375 212) 62 63 81. Рэжым работы касы: панядзелак-нядзеля - з 9:30 да 19:30; перапынкі на абед - 12:00-12:30, 15:30-16:00. Каса працуе без выходных.

З 21 па 26 студзеня ў рэспубліцы праводзіцца спецыяльнае прафілактычнае мерапрыемства Міністэрства па надзвычайных сітуацыях МНС – «Дом без пажару». З пачатку 2026 года ў Віцебскай вобласці адбыўся 81 пажар (на 45% больш, чым летась за аналагічны перыяд), на якіх загінулі 11 чалавек (на 7 чалавек больш, чым летась). Асноўнай умовай, якая спрыяе смерці людзей, застаецца курэнне ў стане алкагольнага ап'янення. Дастукацца да кожнага і вытлумачыць важнасць выканання правіл пажарнай бяспекі – прынцыповыя заданні мерапрыемства. Не выяўляйце нядбайнасці ў пытаннях уласнай бяспекі. ☎ Беражыце сябе і сваіх блізкіх, а ў выпадку надзвычайнай сітуацыі тэлефануйце 101 ці 112.

Дзеці, у суботу абавязкова прыходзьце ў тэатр на прэм'еру! Дарослыя, парадуйце сваіх дзяцей цудоўным суботнім спектаклем пра сяброўства! 24 снежня (12:00) на камернай сцэне тэатра імя Якуба Коласа - прэм'ерны паказ казкі «ЛЯСНОЕ СЯБРОЎСТВА» па п'есе А.Замкоўскага. Лясныя звяры – Дзік, Ліса і Варона – рыхтуюць Свята Лесу. Раптам чуюць неверагодна страшны рык, моцна палохаюцца і вырашаюць свята адмяніць. Заяц, які хоча стаць пераможцам усіх конкурсаў свята, пераконвае звяроў, што гэта храпе Мядзведзь. Свята адбываецца, але пасля ўзнагароджання звяры даведваюцца, што ў лесе ўсё ж такі з’явіўся нейкі невядомы драпежнік. Што ж уратуе ўсіх лясных сяброў ад небяспекі? Пастаноўка, напоўненая яркімі вобразамі, харэаграфічнымі і вакальнымі нумарамі, раскажа, як гэта важна – адкрыта і шчыра сябраваць. Рабі іншым так, як хочаш, каб рабілі табе – і будзеш шчаслівы! Пастаноўка Міхаіла Асанава. Рэжысёр Канстанцін Ганчароў. Сцэнаграфія Аляксандры Блыкінай. Касцюмы Наталлі Сарычавай. Музыка і музычнае афармленне Міхаіла Рудака. Харэаграфія Дзіяны Юрчанка. Тэксты песень Алеся Замкоўскага. У спектаклі занятыя: Даніла Катовіч / Аляксандр Пачкаеў (Заяц), Раман Волат / Кірыл Гільгенберг (Дзік), Вераніка Малашкевіч / Аксана Сурвіла (Ліса), Міхаіл Асанаў / Ілля Блыкін (Мядзведзь), Алёна Меркушава / Надзея Радзімава (Варона), Антон Бараноўскі / Мікалай Чарных (Леў). Працягласць спектакля – 1 гадзіна. Узроставае абмежаванне - 0+. Квіткі можна набыць анлайн - https://megavenue.by/widget/event.php?vu=map&event_id=15983&uid=33 І ў касе тэатра. Тэлефон (+375 212) 62 63 81. Рэжым работы касы: панядзелак-нядзеля - з 9:30 да 19:30; перапынкі на абед - 12:00-12:30, 15:30-16:00. Каса працуе без выходных.

Наступныя паказы драмы-асэнсавання «КАРА-ЦІЦІ-КАРА» («УДОВІН ПАРАХОД») па п'есе І.Грэкавай, П.Лунгіна адбудуцца 29 студзеня (19:00) і 21 лютага (18:00). Квіткі можна набыць анлайн: - 29 студзеня - https://megavenue.by/widget/event.php?vu=map&event_id=15976&uid=33 - 21 лютага - https://megavenue.by/widget/event.php?vu=map&event_id=16138&uid=33 І ў касе тэатра. Тэлефон (+375 212) 62 63 81. Рэжым работы касы: панядзелак-нядзеля - з 9:30 да 19:30; перапынкі на абед - 12:00-12:30, 15:30-16:00. Каса працуе без выходных.

6 і 27 лютага (19:00) - прэм'ерныя паказы спектакля «ТЫТАНАВАЯ ВЕДЗЬМА» па п'есе беларускага драматурга Улады Альхоўскай. Драматычна-камедыйны трылер на камернай сцэне Нацыянальнага акадэмічнага драматычнага тэатра імя Якуба Коласа. Сучаснае мастацтва па сучаснай драматургіі. Квіткі можна набыць анлайн: - 6 лютага - https://megavenue.by/widget/event.php?vu=map&event_id=16150&uid=33 - 27 лютага - https://megavenue.by/widget/event.php?vu=map&event_id=16151&uid=33 І ў касе тэатра. Тэлефон (+375 212) 62-63-81. Рэжым працы касы: панядзелак-нядзеля - з 9:30 да 19:30, перапынкі на абед - 12:00-12:30, 15:30-16:00. Каса працуе без выходных.

Шаноўныя гледачы! 22 лютага (нядзеля), 18:00, па прычыне хваробы артысткі, замест аб'яўленага раней спектакля «Шлюб па-італьянску», на вялікай сцэне адбудзецца паказ камедыі масак «НІБЫТА ХВОРЫ» па п'есе Жана-Батыста Мальера. Усе квіткі - сапраўдныя. Адміністрацыя тэатра прыносіць прабачэнні за створаныя нязручнасці. Па ўсіх пытаннях можна звяртацца да адміністратараў (тэлефоны 62-63-84, 62-63-96) або ў касу тэатра (тэлефон 62-63-81).