Радик Нуретдин иҗаты

Тирә-якта шомлы даны Булган Аскын урманнары. Гасырлардан торып калган Данлы Качкын урманнары. Керергә анда курыккан Ак патшанын казаклары. Урманына хуҗа булган Ирек сөйгән качаклары. Әле һаман кара төндә Яна сыман учаклары. Канымда да, жанымда да Сез бит, Аскын качаклары. Һичкемгә дә буйсынмаган, Һушын жуймас качакларым. Бүре кебек гел урманга Карап торган качакларым. Һәр урманның үз бүресе, Моны белгән качакларым. Яраларны ялап ятам, Кайтып анда кайчакларын…

Трудно поверить и горько сознавать: Радик Нуретдинов ушел. В нашей группе БГУ Т-р 1967-1972 его любили и уважали. Высокий, красивый, решительный, ищущий приключений (в том числе на свою голову), талантливый, умный, великодушный, ироничный... Он занимался просвещением, наукой, бизнесом, в последние годы - нац.политикой и интернет журналистикой. Часто распылял силы. Как будто боялся, что не успеет реализоваться, так много было у него замыслов, энергии и потенциала. Защищал интересы татар РБ, вытаскивал факты истории, современности. Тянулся к острым, беспощадным проблемам, имел немало проблем и неприятностей, которые вероятно подорвали его здоровье. Мы собрались в 2012 году Уфе в связи с 40 летием окончания университета. Не смог приехать прекрасный поэт Гусман Садэ, который чуть позже умер. После этой встречи неожиданно умер полковник ФСБ Венер Мирсаев, который был необычайно возбужден и весел, наверное чувствовал, что группа будет редеть, подсознательно понимал приближение своего непонят

Ак каенны кочып –кочып, кыз елады... Кыздай яп-яшь каен бу чак ни уйлады? Нигә инде кыз елады, әйтү кыен, Башын сыйпап, «Түз,сеңлем, диде каен». —Килер, диеп кызны көтә, көтә каен: Яшель күлмәк, яшель чүкләр- язлар саен. Килмәде кыз, килергә дә ул уйламый, Килер иде, эллекечә кыз еламый... 1977 ел.

Радик Нуретдинның шәхси архивында табылган дәфтәрдән... Бу кышның да соңгы мәле, Соңгы кары, бураннары. Ниләр уйлап тора икән Төнге Уфа урамнары. Әйдә чыгыйк, йөреп керик Кар-бураннар арасында. Синең йөрәк, белмим ничек, Ә, минеке дуласын ла. Котырсын да, бөтерсен дә Юкса, ул бер тынар әле. Бер көн килеп синен йөрәк Исемемне җуяр әле. Онытылырмын, күбәләк кар Бары калыр хәтереңдә. Еллар үткәч, карлар булып, Мин эрермен керфегеңдә. 1977 ел.

Әти миңа дөнья малы калдырмаган, Миңа атап сарайлар да салдырмаган: — Имеш килеш кала сиңа дөнья үзе... Әтиемнең амәнәте, соңгы сүзе... Дөньяда нур, туфан булып балкып тора, Әтиләрдән клаган дөнья- изге бүләк! Зинданнарга хаким булып яшәмәскә, Шагыйрь булып, зиндан вату, минем теләк. 1977ел.

Радик Нуретдинның шәхси архивында табылган дәфтәрдән... Җил йөгерде диңгезләргә– зәңгәр җилләр, Шатлыгыңны түкми-чәчми сөйләп җибәр. Җил йөгерде көзгә таба– сары җилләр, Кайгыларың уртак булсын, сөйләп җибәр. Җил йөгерде урманнарга– яшел җилләр. Яшьлек калсын Туган илгә, Яшьнәп җибәр! Җил йөгерде болыннарга... Сәлам итче бездән соңгы буыннарга 1977 ел.

Фәүзия Бәйрәмовага... Идел кебек күңелең киң, Уйларың хәйран якты! Шул яктыга тартылдым мин, Көннәрем кара чакны. Кара көннәр, гүя болыт, Агылып үтте инде. Күкрәк киреп җырлар чаклар Безгә дә җитте инде. Әйдә җырлыйк, утлы дустым, Шатлыклыклар иңсен илгә. Сиңа афәт килә калса, Ышыклан минем иңгә. Синең өчен калкан булып, Калкынып каршы чыгам, Утка керәм, суга төшәм, Галәмгә сәфәр чыгам... Халкым кебек, күңелең җор, Сыгылма юк-бар җилгә. Яшен булып яшьнәп калыйк, Яшәгәч шушы җирдә. 1987 ел.

Радик Нуретдинның шәхси архивында табылган дәфтәрдән «Караидел – кара түгел» дип аталган шигырь... Караидел, ышанма син, кара түгел, Зәңгәр дулкын кага аның ярларына. Дулкыннарны куып йөргән шаян җилләр Көй оталар мәңге тынмас җырларына. Караидел, һич кенә дә кара түгел, Дулкын булып чайкаламы безнең язмыш? Кыяларына ла басып, җырлый-җырлый Якты илем – Туган җирем, сиңа багыш. 1977 ел

Язучы, шагыйрь, журналист, җәмәгать эшлеклесе Радик Нуретдин (Радик Фәми улы Нуртдинов) 1949 елның 7 июнендә Башкортстанның Аскын районы Иске Мотабаш авылында дөньяга килә. Иске Казанчы урта мәктәбен, Башкорт дәүләт университетын, аннары аспирантура тәмамлый. Күп еллар туган ягы мәктәпләренда, Бөре педагогия институтында укыта. Аннары «Кызыл таң», «Совет Башкортстаны», «Башкортстан пионеры», «Татарстан яшьләре» гәзитләрендә һәм «Азатлык» радиосында хәбәрче булып эшли. Татарстанның Яшел Үзән районы Бишнә авылында җитәкче йөген тарта, эшкуарлык белән шөгыльләнә. Соңгы елларда Радик Нуретдин халкыбызның милли үзаңын күтәрү өчен «Шура» журналы һәм «Татар,уян!», «Тургай» интернет-сәхифәләре оештырып, алар аша укучыларга гамьле-чәмле язмалар җиткерә. Шулай ук интернет аша Урал төбәгендә яшәгән татар язучыларының һәм шагыйрләренең иҗатын туплау белән дә шөгыльләнә. 2015 елның 24 августында татар халкының тугры улы Радик Нуретдинның йөрәге тибүдән туктады. Ул туган авылы Мотабаш зиратында җи